बोम्जन गुरुङ:कोरिया स्थित अति सक्रिय क्षेत्रीय संस्था कास्की परिवारको वार्षिक साधारण सभा आउँदो अक्टोबर ६ तारिक हुने भएको छ । संस्थाको आठौं केन्द्रीय कार्यसमितिले आफ्नो वितेको एक वर्षको प्रगति विवरण सहित आर्थिक प्रतिवेदन प्रस्तुत गर्ने र आगामी वार्षिक कार्ययोजनाको विषयमा छलफल गर्ने उद्धेश्यले सउल दोङ्देमुन स्थित नेपाल थाई रेष्टुरेन्टको सभाहलमा उक्त वार्षिक साधारण सभा गर्ने भएको हो ।
“संगठित समूह नै परदेशको साहारा हो” भन्ने संस्थाको मूल नारा सहित सन् २००८ मा स्थापना परिवारले दक्षिण कोरियाले विभिन्न संघ संस्थाहरु सँग सहकार्य र समन्वय गर्दै सामाजिक कार्यमा अग्रसर भइरहेको सन्दर्भ परिवारका अध्यक्ष सन्तोष पौडेलले बताए ।
कोरियालाई कर्मथलो बनाई बसोबास गरिरहनुभएका कस्केलीहरुको एकता र सद्भाव कायम गर्दै ख्यङ्साङ्नाम्दो बुसान र थेगुमा समेत आफ्नो दुई शाखाहरु विस्तार गरिसकेको र विभिन्न कार्यक्रम आयोजना गर्दै संस्थालाई थप चलायमान गराउँदै आएको सन्दर्भ महासचिव अशोक कुमार थापाले थपे ।
कास्की परिवार दक्षिण कोरियाद्धारा आयोजित सो वार्षिक साधारण सभालाई सभ्य र भब्य रुपमा सफल बनाउन संस्था सम्बद्ध सल्लाहकार, बुद्धिजीवी, शुभचिन्तक, समस्त सदस्यहरु, कोरियास्थित विभिन्न संघसंस्थाका अध्यक्ष एवं प्रतिनिधि लगायत सम्पूर्ण नेपाली दाजुभाई तथा दिदीबहिनीहरुमा गरिमामय उपस्थितिको लागि आयोजकले अनुरोध गरेको छ ।
कार्यक्रम तपसिल :
मिति : २०२४ अक्टोबर ०६ तारिक आइतबार
समय : दिनको ठिक ११:०० बजे
स्थान : नेपाल थाई रेष्टुरेन्टको रेष्टुरेन्टको सभा हल, दोङ्देमुन सउल
