विशाल आवाज: कोरियन महान पर्व छुसकको अवसरमा अन्नपूर्ण दुधपोखरी गाइज (ADP) को आयोजनामा सेप्टेम्बर १५ तारिखका दिन आयोजना हुने “नरेन लिम्बु लाइभ कन्सर्ट इन सौल एण्ड डान्स पार्टी” मा आउने भनिएका नेपालको चर्चित लोकप्रिय गायक नरेन लिम्बु बिभिन्न कारणबस कार्यक्रममा उपस्थित हुन नसक्ने आयोजकले एक बिज्ञप्ती सार्वजनिक गरी जनाएको छ।
मलाई भन्न आउँदैन, अन्तिम माया, सुन किन, कहाँ होला मेरो मायालु लगायत दर्जनौं सुपरहिट गीत दिन सफल युवा पुस्ताको लोकप्रिय गायक तथा म्युजिक भिडियो डाइरेक्टर नरेन लिम्बुले THE ADP GUYS को आयोजनामा हुने NAREN LIMBU LIVE CONCERT IN SEOUL AND DANCE PARTY मा माहोल तताउने भएको थियो तर प्राबिधिक कारणले भिसा प्राप्त गर्न ढिलाई हुन गएकोले नरेन लिम्बु कार्यक्रममा उपस्थित हुन नसक्ने भएको हो ।
नरेन लिम्बु उपस्थित हुन नसकेपनी आयोजकले सबै तयारी पुरा भइसकेको कारण कार्यक्रम भने यथावत समय र स्थान मै सुचारू हुने जानकारी गराऊदै आयोजकले विज्ञाप्ति जारी गरेको छ ।
अब कार्यक्रम निर्धारित समयमै DJ C-MAN र कोरियामा पछिल्लो समय चलेको नेपाली युवाहरुको “फुल्याङ” ब्यान्डको धमकेदार प्रस्तुति संगै स्थानिय कलाकार हरु डान्सर प्रिन्स राजपुत चौहान र गोपिका नेपालले समेत प्रस्तुती दिने आयोजकका सुनिल गुरुङले विशाल आवाजलाई जानकारी दिनुभएको छ।
सउलको 서울 유성 북라이온수 클럽 서울 성북구 동서문로 20 나길 47 Train line no.4 성신에게 구역 gate no1 मा आयोजना हुने कार्यक्रमको प्रवेश शुल्क घटाएर ३०००० ओन तोकिएको छ भने कार्यक्रम स्थलसम्म पुग्नको लागि दोङ्देमुन गेट नम्बर ३ बाट निःशुल्क बसको व्यवस्था समेत गरिएको आयोजकले बताएको छ।
