‘हिमालयन साङ्गीतिक धमाका–२०२४’ कार्यक्रमको पोस्टर, भिडियो फेसबुक र टिकटकमा पोस्ट गरी जसले धेरै भ्युज ल्याउन सफल हुन्छ उसलाई E-7 भिसाको सबै प्रक्रिया पूरा गरिदिने र E-7 भिसा बनाइदिने भएको छ।
कोरियन चाड छुसकको अवसरमा शेर्पा सङ्घ दक्षिण कोरियाले निमा रुम्बा लगायत समीक्षा अधिकारीको साथमा सेप्टेम्बर १७ तारिख सउलमा आयोजना गर्न लागेको कार्यक्रमको पोस्टर र भिडियो फेसबुक र टिकटकमा पोस्ट गरी सबैभन्दा भ्युज आउने मध्य एकजनालाई लक्की ड्र मार्फत Uijeongbu Migrant workers center (TDNK office) बाट E-7 भिसाको सबै प्रक्रिया पूरा गरिदिने र E-7 भिसा बनाइदिने भएको हो।
“विपत व्यवस्थापन तथा आपतकालीन राहत कोष स्थापनार्थ” दक्षिण कोरियामा सक्रिय शेर्पा सङ्घ ले छुसकको दोस्रो दिन सेप्टेम्बर १७ तारिख मङ्गलबारका दिन सउलमा रहेको 서울시 종로구 대학로 3 길 29,지하철 1호선 종로 5가역 2 번출구 बाट २५० मिटर अगाडि हिमालयन साङ्गीतिक धमाका–२०२४ आयोजना गर्दैछ।
सेप्टेम्बर १७ तारिख दिउँसो २ बजेबाट हुने उक्त कार्यक्रमको प्रवेश शुल्क ३५ हजार कोरियन वन तोकिएको छ भने कार्यक्रम स्थलसम्म पुग्नका लागि दोङ्देमुन वाट बसको समेत व्यवस्था गरिएको छ।
नेपाल आदिवासी जनजाति महासंघ दक्षिण कोरिया र नेपाली सम्पर्क समितिको समन्वयकारी भूमिकामा हुने हिमालयन साङ्गीतिक धमाका २०२४ कार्यक्रमलाइ कार्यक्रमलाई भव्य र सभ्य रुपमा सम्पन्न गर्नका लागि दक्षिण कोरियामा रहनुहुने सम्पूर्ण नेपाली दाजुभाई तथा दिदीबहिनीहरुलाई आयोजकले सहभागिताका लागि आमन्त्रण समेत गरेको छ ।
