बोम्जन गुरुङ :कोरिया स्थित किम्हे शहरमा रहेको नेपाली नारीहरुको संस्था सिस्टरहुड कोरियाले आउँदो सेप्टेम्बर १ तारिक “हरितालिका तीज विशेष कार्यक्रम २०२४” आयोजना गर्ने भएको छ । “किम्हे सिजाङ – न्यू लिटल इन्डियाको हल” मा तीजको अवसरमा दर खाने कार्यक्रम र विविध साँस्कृतिक कार्यक्रम सहित बिहान ११ देखि साँझ ६ बजेसम्म उक्त कार्यक्रम हुने भएको हो ।
प्रवासमा नेपाली कला र सँस्कृतिको संरक्षण र सम्बर्द्धन गर्ने मात्र नभएर माइतीबाट टाढा रहेका विशेषत: नेपाली चेली तथा दिदीबहिनीहरुको न्यास्रोपन मेटाउन, कोरियाको किम्हे, बुसान, मासान, छाङ्वन लगायत आसपास छरिएर बस्नुहुने दाजुभाई तथा दिदीबहिनीहरुको ब्यापक सहभागिता रहने अपेक्षा राख्दै नेपालीहरुबीच आपसी सहयोग, सद्भाव र भाईचारा अभिवृद्धि गर्ने उद्धेश्यले सो कार्यक्रम आयोजना गरिएको आयोजकले जनाएको छ ।
“Together We Can” भन्ने मूल नारालाई अनुशरण गर्दै आईरहेको सन् २०१८ मा कोरियामा स्थापित Sisterhood Korea ले वर्षेनी नियमित कार्यक्रम अन्तर्गत हरितालिका तीज मनाउँदै आईरहेको सन्दर्भ उल्लेख गर्दै विभिन्न परोपकारी र सामाजिक कार्यमा संस्था अग्रसर रहदै आएको छ ।
सिस्टरहुड कोरियाले आयोजना गरेको हरितालिका तीज विशेष कार्यक्रम २०२४ सभ्य र भब्य रुपमा सफल बनाउन कोरियामा रहनुहुने सम्पूर्ण नेपाली दाजुभाई तथा दिदीबहिनीहरुमा आयोजकले गरिमामय उपस्थितिको लागि हार्दिक अनुरोध गरेको छ ।
तपसिल :
मिति : २०२४ सेप्टेम्बर १, आईतबार
समय : दिनको बिहान ११:०० देखि साँझ ०६:०० बजेसम्म
स्थान : किम्हे सिजाङ – न्यू लिटल इन्डियाको हल”
