विशाल आवाज:संस्कृति संरक्षण तथा सामाजिक विकास केन्द्रका लागि तरेली संगीत कुञ्जको प्रस्तुतिमा रेशम सापकोटा र स्नेहा क्षेत्रीको स्वरमा रहेको “आत्मदाह” नामक म्यूजिक भिडियो सार्वजनिक भएको छ।
एकदमै गहन बिषयमा उत्थान भएको न्यायको खोजीमा तड्पिएका आत्माहरूको कारुणिक क्रन्दनको रुपमा रेशम सापकोटाको शब्द, संगीत र निर्देशनमा स्नेहा क्षेत्री र रेशम सापकोटाकै को सुमधुर श्वरमा रेकर्डिङ भएको गीतलाई कृष्ण केसीले एरेन्ज गरेका हुन् । स्नेहा र रेशमलाई ग्रुप भोकलमा राजन पौडेल,यमन माझी, रुपी सिन्जाली, प्रेमा रानाले साथ दिएका छन्।
1DB रेकर्डिङ स्टुडियोमा रेकर्डिस्ट बिमल चिनाल र विनोद परियारले रेकर्ड गरेको “आत्मदाह” गितको मिक्सिङ HBN KISMAT ले गरेका हुन् भने अडियो भिडियो तरेली संगीतकुञ्जले बनाएको हो।
भगवान भण्डारी, सीता सुनुवार, आकाश कुँवर, सरिता धनकुटी, रोहित लामा, अनुप अर्याल, धनकुमारी मगर, पुनम सुनुवार, शिवाङ्गी क्षेत्री, पूजा आचार्य, मनु बाठामगर, शुप्रभा थापा कमला उप्रेती रामबहादुर ज्यामी मगर बिमला गमल को अभिनय रहेको “आत्मदाह” गितको म्यूजिक भिडियोको निर्देशन रेशम सापकोटाले गरेका हुन्। सरोज शाहीको सिनेम्याटोग्राफी रहेको भिडियोको कलरिङ र एडिटिङ रोशन धितालले गरेका हुन् भने राजन पौडेल ले मेकअप र मेनेजमेन्ट हेरेका थिए।
तरेली संगीत कुञ्ज को आफ्नै युट्युब च्यानलबाट रिलिज भएको म्युजिक भिडियोमा न्यायको खोजीमा तड्पिएका आत्माहरूको कारुणिक क्रन्दनको रुपमा झाक्री र किचकन्याको दोहोरी देखाइएको छ। भिडियोमा एकजना पुरुषले अबोध महिलालाइ बलात्कार गरेर मारिदेको र सोहि महिला पछि किचकन्या बनेर उक्त पुरुषलाइ दु:ख दिएको देखाइएको छ र अन्त्यमा यस्तो क्रियाकलापहरू गर्नु हुँदैन भनेर सामाजिक सन्देश दिन खोजिएको छ।
भिडियो हेर्नुहोस्:
