कोरियालीहरुको महान् चाड सलनालको अवसर पारि यहि फेब्रुअरी १० तारिखको दिन दक्षिण कोरियाको राजधानी स्थित दोङ्देमुनमा धादिङ्ग समाज कोरियाको भेटघाट तथा राहत कोष घोषणा कार्यक्रम सम्पन्न भएको छ ।
कार्यक्रममा सामजको अध्यक्ष सन्तोष अधिकारीले राहत कोषको लागि १,०१,००,०००/- (एक करोड एक लाख वन) रकम छुट्याएको घोषणा गर्नुभएको थियो । सो कोष स्थापनाको लागि समाजले आन्तरिक रुपमा ३६,२०,९४६/- वन सहयोग संकलन गरेको थियो भने बांकी धादिङ्ग समाज कोरियाको संचित कोषबाट ६४,७९,०५४/- वन थप गरिएको हो ।
राहत कोष संचालन तथा व्यवस्थापनको निम्ति समाजले यस अघिको बैठकमा संस्थाको बरिष्ठ उपाध्यक्ष रामचन्द्र सिम्खडाको संयोजकत्वमा ५ सदस्यिय उपसमिती निर्माण गरिसकेको थियो । सो उपसमितीलाई ‘कोष संचालन कार्यविधि’ तयार पार्ने जिम्मा पनि दिएको थियो । उक्त उपसमितीले तयार पारेको ‘कार्यविधि’ को प्रारम्भिक खाका माथि यस कार्यक्रममा बिस्तृत रुपमा छलफल गरिएको छ । उक्त कोषलाई ‘#अक्षय_कोष’ कोषको रुपमा स्थापित गर्ने लगायत कार्यक्रममा गरिएको विविध छलफलहरुलाई समेटेर समाजको आउने बिस्तारित बैठक बाट सो कार्यविधीलाई पूर्णता दिईनेछ ।
हाल एक करोड एख लाख कोरियन वन बाट स्थापना गरिएको यस ‘राहत कोष’ लाई विभिन्न माध्यमबाट रकम जुटाउदै आगामी ५ वर्ष भित्रमा दुई गुणाले वृद्धि गर्ने लक्ष्य समाजले लिएको छ ।
