विशाल आवाज: पाच वर्ष पछि फेरि सुप्रसिद्ध गायक राजु लामाको मङ्गोलियन हार्ट ब्याण्डले यहि सलनालको अवसरमा फेब्रुअरी ९ तारिखका दिन कोरियाको सउल तताउने पक्का भएको छ।
सन् १९९२ देखिको ३२ वर्ष लामो इतिहास बोकेको मङ्गोलियन हार्ट ब्याण्डले नेपाल कोरिया कल्चर एक्सचेन्ज एशोसिएसन दक्षिण कोरियाद्वारा सउल मा ९ तारिकका दिन आयोजित लाइभ कन्सर्टमा दिउसो ४ बजेदेखि बेलुकी ९ बजे सम्म प्रस्तुति दिनेछ भने कार्यक्रम स्थल सम्म जान दोङ्देमुन बाट बसको व्यवस्था समेत गरिएको छ। ब्याण्ड को सबै कलाकारहरुको भिषा लागेपश्चात कोरियाको माइनस डिग्री चिसो मौसममा पर्खाइमा,म माया लाउदिन, तिमिलाई देखेर, सायद तिम्रो बाटोमा,मेरो नेपाल,सुम्निमा,हल्ला चलेछ लगायत दर्जनौं नया पुराना चिरपरिचित नेपाली गीत संगीतको प्रस्तुति मार्फत ब्याण्ड ले माहोल तताउने छ।
प्रशंसा शर्माले सन्चालन गर्ने कार्यक्रममा ब्याण्ड संगै उता परेलि झिम झिम भो,काले केटाले,को होला त्यो, तिम्रो मायाले बाधेर राख,फूलै फूल दिन्छौ कि,टाढा भएपनि लगायतका हिट गीत दिन सफल अहिलेको युवा पुस्ताको लोकप्रिय गायीका अस्मिता अधिकारी र पानी है पर्यो,डाडा बजार,पा:लाम निङ्वा किसिङ,सुनौलो एकदिन जस्ता गीत गाइसकेकीद भोइस अफ नेपाल सिजन ५ मा सहभागि नव गायीका सुनिता सन्याक लिम्बुले आ-आफ्नो प्रस्तुति दिने भएको छ।
पैसाको अभावमा स्वास्थ्य उपचारमा समस्या परेका दक्षिण कोरियामा रहेका नेपालीहरुलाइ सहयोग गर्ने पवित्र उद्देश्यका साथ आयोजना गरिएको मङ्गोलियन हार्ट लाइभ कन्सर्ट मा अस्मिता अधिकारी र सुनिता सन्याक लिम्बु सगै द भोइस अफ नेपाल सिजन ४ मा सहभागि जनाइ हाल दक्षिण कोरियामै रहनुभएका मुस्कान मुकारुङ राइको पनि प्रस्तुति रहने छ।
