विशाल आवाज:मंन्जुश्री संवत् २८६० मु पुख्रि ल्हो ( डुक ल्हो ) सोनाम ल्होछारको अवसरमा तामाङ समाज युएइ ले आयोजना गर्न लागेको “सोनाम ल्होछार साँझ -२०२४” शुभकामना आदानप्रदान तथा संस्कृति कार्यक्रमको तयारी तिब्र रुपमा अघि बढिरहेको छ।
तामाङ समुदायको महान पर्व एवं नेपाली राष्ट्रिय पर्व सोनाम ल्होछारको पावन अवसरमा गत वर्षहरूमा झैँ यस वर्ष पनि यु.ए.इ को आबुधाबी र दुवाइ गरि दुइ सहरमा नेपाल बाट आमन्त्रित कलाकारद्दय चर्चित गायक तथा संगीतकार विशाल काल्तान र चर्चित म्हेन्दोमाया गायिका बिना घलेको साथमा भब्यताका साथ मनाउने भएको छ। फेब्रुअरी १० तारिखका दिन आबुधाबीमा रहेको सुडानी सोसियल क्लब अलफवामा दिउसो १ बजे र दुबइमा भने फेब्रुअरी ११ तारिख याक एण्ड यती क्लब एभरेष्ट अष्टोरिया होटल, बरदुबईमा दिउसो १ बजे नेपाल तामाङ घेदुङ घ्रेन धिम खरिद सहयोगार्थ “सोनाम ल्होछार साँझ -२०२४” हुने आयोजकले जनाएको छ।
“तामाङ समाज युएईको शान,तामाङ संस्कृति तामाङ पहिचान” भन्ने मूल नाराका साथ सन् २००५ देखि प्रवासमा रहेर तामाङ समुदायको धर्म, संस्कृति, कला, भेष-भुषा, भाषा, परम्परा, रहन-सहन, रीति- रिवाजहरूको संरक्षण, संवर्द्धन र प्रर्द्धन गर्ने कार्यहरूमा तामाङ समाज यूएई सदैब कटिबद्ध भई निरन्तर रूपमा अघि बढिरहेको छ। यूएईमा प्रत्येक बर्ष सोनाम ल्होछार बडो हर्षोल्लास र उमंगका साथ सानदार प्रस्तुतिहरू दिदै नेपालबाट तामाङ जगतका सुप्रसिद्ध कलाकार र व्यक्तित्वहरूलाई आमन्त्रित गरी सफलतापूर्ण ढंगमा तामाङ समाज युएइले कार्यक्रम सम्पन्न गर्दै आइरहेको छ।
कार्यक्रममा नेपाल बाट आमन्त्रित चर्चित गायक तथा संगीतकार विशाल काल्तान र चर्चित म्हेन्दोमाया गायिका बिना घले संगै यूएईमा स्थापित स्थानिय तामाङ कलाकारहरूको बेजोड प्रस्तुतिको साथै पुराना देखि नयाँ (सेलो, म्हेन्दोमाया, खान्दोके) गितमा भि डि.जे बिजयको डिजे सेसनले माहोल तताउने छ।
“सोनाम ल्होछार साँझ -२०२४” को शुभ-कामना आदन-प्रदान, ईष्टमित्र भेटघाटको उद्गम थलो, मनोरन्जन, नाच-गाँन संगै माया, स्नेह र सद्भाव बढाई कार्यक्रमलाई सव्य, भव्य एंव सफल बनाउन अनुरोध गर्दै यूएईका विभिन्न ईमिरेट्सहरूमा बसोबास गर्ने तामाङ लगायत आम नेपालीहरूलाई सहभागीताको लागि आयोजकले निमन्त्रणा समेत गरेको छ।
