विशाल आवाज: नेपालीहरूको राष्ट्रिय चाड तथा बौद्ध धर्मावलम्बीहरूको महान पर्व २१५१ औ स्यिङ फो डुक लो को अवसरमा शेर्पा संघ दक्षिण कोरिया द्दारा फेब्रुअरी १० मा आयोजना हुन लागेको “ग्याल्पो लोसार साझ-२०८०” शुभकामना आदानप्रदान तथा संस्कृति कार्यक्रमको तयारी तिब्र रुपमा अघि बढिरहेको छ।
“शेर्पा समुदायको मौलिक भाषा, धर्म र संस्कृतिलाई सम्बर्धन र प्रवर्द्धन गरौं, सामाजिक मूल्य मान्यतामा आधारित सभ्य र शान्तिपूर्ण समाज निर्माण गरौं” भन्ने मूल उद्देश्यका साथ स्थापित शेर्पा सङ्घ दक्षिण कोरियाद्वारा यहि सलनालको दोश्रो दिन फेब्रुअरी १० तारिक साझ ७ बजे देखि बिहान ५ बजे सम्म सउलमा हुने कार्यक्रमको प्रवेश शुल्क ६०००० वन तोकिएको छ। लाइन न १ जोङ्गाक स्टेशनको ७ नम्बर गेटबाट १५ मिटर भित्र रहेको पानोरमा बुफे(पहिलेकै हल) मा हुने “ग्याल्पो लोसार साझ-२०८०” मा डिजे OOJOO को साथमा स्थानीय कलाकारहरूको बेजोड प्रस्तुति रहनेछ।
२१५१ औ स्यिङ फो डुक लो को अवसरमा आयोजित शुभकामना आदानप्रदान तथा सांस्कृतिक कार्यक्रममा उपस्थीत भएर कार्यक्रम लाइ सभ्य र भव्यताका साथ सफल पार्न हुन दक्षिण कोरियामा रहनु भएका सम्पुर्ण दाजु भाई तथा दिदीबहिनीहरूलाई आयोजकले हार्दिक अनुरोध सहित निमन्त्रणा समेत गरेको छ।
