कोरिया को ‘DMZ International Documentary Film Festival’मा नेपाली डकुमेन्ट्री ‘ढोरपाटन – No Winter Holidays’ को एसियन प्रिमियर हुने
हिउँदमा ढोरपाटनका सबै गाउँले बेंसी झर्छन् । अनि, गाउँको रेखदेख दुई कुरुवा महिलाले गर्छन् । ७५ वर्षका ती दुई बूढीआमै सम्बन्धले भने सौता हुन् ।
तिनै दुई जना मिलेर हिउँद काट्दाको कष्ट र उनीहरूको सम्बन्ध देखाइएको वृत्तचित्र हो, ‘ढोरपाटन’ । यही वृत्तचित्र दक्षिण कोरिया मा एसियाकै प्रभावशालीमध्येको बजार मानिने ‘DMZ International Documentary Film Festival’मा बेलायतको प्रमुख डकुमेन्ट्री फेस्टिभल मा एसियन प्रिमियर हुने भएको छ ।
नेपाली डकुमेन्ट्री ‘ढोरपाटन – No Winter Holidays’ दक्षिण कोरियाको 4F, Goyang Bus Terminal 1036, Jungang-ro, Ilsandong-gu, Goyangsi, Gyeonggi-do, Korea(사)DMZ국제다큐멘터리영화제 मा सेप्टेम्बर 16 तारिख 19:30 – 20:49 Megabox Baekseok Bella Citta 102 र सेप्टेम्बर 18 तारिखमा मा 11:30 – 12:49 Megabox Baekseok Bella Citta 103, यसैगरी सेप्टेम्बर 20 तारिख मा 20:00 – 21:19 Megabox Baekseok Bella Citta 102 मा प्रिमियर हुने निश्चित भएको हो।
राजन कठेत र सुनीर पाण्डे निर्देशित ७८ मिनेटको ‘ढोरपाटन’ लाई अंग्रेजी नाम भने ‘नो विन्टर होलिडेज’ दिइएको छ ।निर्देशक कठेतले डकुमेन्ट्रीको तयारी सन् २०१८ देखि नै सुरु गरिएको बताउँछन् । निर्माण टिमले त्यति बेलादेखि विभिन्न कार्यशालादेखि पिचिङ कार्यक्रममा डकुमेन्ट्रीलाई सहभागी गराउँदै आएको थियो । त्यही क्रममा २०२१ मा सेफिल्डकै ‘द विकर्स’ भन्ने पिचिङ कार्यक्रममा ‘ढोरपाटन’ छनोटमा पर्यो । करिब एक करोड रुपैयाँ बराबरको अनुदान रहेको पिचिङ कार्यक्रमको शीर्ष पाँचमा पर्यो वृत्तचित्र ।
डकुमेन्ट्री खिच्न दुई निर्देशकसँगै छायाकार बबिन दुलालले ढोरपाटनमा सय दिन बिताएका थिए । अध्ययनका लागि टिमले एउटा हिउँदमा १० दिन बिताएको थियो । त्यसपछिको हिउँद वृत्तचित्र खिच्न राजन, सुनीर र बबिनले ७० दिन बिताए । त्यसपछि शरद र वसन्त ऋतुमा दस/दस दिन लगाएर खिचे ।
‘बूढीआमा बस्ने घरबाट आधा घण्टामा पुगिने होटलमा हामी बस्यौं । हिउँ परेको बेला, केही कठिन भए पनि हामी तयारीसहित पुगेका थियौं,’ निर्देशक कठेतले भने, ‘बुढ्यौली हुनु के हो ! प्रकृतिसँग जुधेर बूढीआमैहरू कसरी बाँचिरहेका छन् भन्ने कुरा हामीले वृत्तचित्रमा देखाएका छौं ।’ वृत्तचित्रको सम्पादन भने किरण श्रेष्ठले गरेका हुन् ।
https://youtu.be/4vUCw3HQESw?si
=ujWnkBn8-ulZ0M7g
