“समृद्ध परिवेश, पर्यटन गन्तव्य गतिशीलता र भातृत्व, समानता, पारस्परिक सद्भाव र सक्षम प्रवासी नेतृत्व” भन्ने मूल नारासहित ढोरपाटन समाज, दक्षिण कोरियाको स्थापना तथा भेटघाट कार्यक्रम २०२५ अक्टोबर ६ मा भव्य रूपमा सम्पन्न भएको छ।
कार्यक्रम दक्षिण कोरियाको सुवोनस्थित भेटघाट रेस्टुरेन्टको सभाहलमा आयोजना गरिएको थियो। उक्त अवसरमा समाजले नयाँ कार्यसमिति गठन गर्दै **असोक अदै (मगर)**को नेतृत्वमा सर्वसम्मत नयाँ नेतृत्व चयन गरेको छ।
नवनिर्वाचित समितिको संयोजनमा रुद्र कायत रहेका थिए। समितिका अन्य पदाधिकारीहरू यसप्रकार रहेका छन् —
• अध्यक्ष: असोक अदै (मगर), चौंतारे
• वरिष्ठ उपाध्यक्ष: गिर बहादुर भन्डारी
• उपाध्यक्षहरू: धिरज भन्डारी, सन्तोष कायत, अनिल छन्त्याल
• सचिव: हेबिन्द्र खड्का
• सह–सचिव: कपील गौतम
• कोषाध्यक्ष: थम प्रकाश धर्ति मगर
• सह–कोषाध्यक्ष: बिकाश भन्डारी
• सदस्यहरू: मेलिना मगर, कमल कुंवर, दिपक भन्डारी, लाल बहादुर भन्डारी, झक कार्की, भिसण अदै र बिशेष कायत
कार्यक्रममा उपस्थित अतिथि र सहभागीहरूलाई समाजका तर्फबाट हार्दिक धन्यवाद ज्ञापन गरिएको थियो।
समाजका पदाधिकारीहरूका अनुसार, ढोरपाटन समाज दक्षिण कोरियाको मुख्य उद्देश्य प्रवासी नेपालीबीच आपसी सम्बन्ध विस्तार, एकताको भावना बलियो बनाउने र ढोरपाटन क्षेत्रको पर्यटन तथा सांस्कृतिक पहिचान प्रवर्द्धन गर्ने रहेको छ।
आयोजकहरूले विश्वास व्यक्त गरेका छन् कि यस संस्थाको स्थापनासँगै दक्षिण कोरियामा रहेका ढोरपाटनबासी नेपालीहरू एक साझा मञ्चमा जोडिँदै आफ्नो मौलिक संस्कृति, पहिचान र पारस्परिक सद्भाव सुदृढ गर्न सक्षम हुनेछन्।
