विशाल आवाज— सामाजिक संस्था नेपाल गोरखा परिवार दक्षिण कोरियाले आफ्नो १३औं अधिवेशन भव्यतापूर्वक सम्पन्न गरेको छ। १७ अगस्ट २०२५ आइतबार सुवनस्थित भेटघाट रेष्टुरेन्टको सभाहलमा सम्पन्न अधिवेशनले देवी गौतमको नेतृत्वमा नयाँ कार्यसमिति सर्वसम्मत निर्वाचित गरेको छ।
अधिवेशनबाट देवी गौतम अध्यक्षमा चयन भएका छन् भने राजन बोहोरा वरिष्ठ उपाध्यक्ष बनेका छन्। उपाध्यक्षमा अनिल भट्टराई, कृष्ण कुमार श्रेष्ठ र सुमन थापा निर्वाचित भएका छन् भने मिता गुरुङ महिला उपाध्यक्ष बनेकी छन्। महासचिवमा अशोक खड्का, सचिवमा अमिर पाण्डे र प्रदिप भट्टराई निर्वाचित भएका छन्। कोषाध्यक्षमा सहदेब बनियाँ, सह–कोषाध्यक्षमा गुणराज सिर्मल, महिला संयोजकमा शिखा थापा, विद्यार्थी संयोजकमा तारानाथ लामिछाने चयन भएका छन्। त्यसैगरी सदस्यमा मुन मगर, अर्पण राना, मनोज रेग्मी, प्रेम पोख्रेल, काजी श्रेष्ठ, दिपेन् कोइराला, शिखर लम्साल, पुष्प तामाङ, दिपजङ थापा र रमेश शावा निर्वाचित भएका छन्।
संस्थाले आफ्नो स्थापना कालदेखि नै कोरिया र नेपालमा विभिन्न सामाजिक कार्य, सहयोग तथा समुदायमूलक कार्यक्रम गर्दै आएको जनाएको छ। “प्रवासी भूमिमा हाम्रो एकता, हरेक सुखदुःखमा साथ दिने हाम्रो प्रतिबद्धता” भन्ने मूल नारासहित स्थापित संस्थाले यस अधिवेशनलाई कोरियाबासी नेपाली समुदाय, विभिन्न संघ–संस्था तथा शुभचिन्तकहरूको उल्लेख्य उपस्थितिमा सम्पन्न गरेको हो।
