बिशाल आवाज: मेलम्ची नगरपालिका–१२ स्थित श्री सरस्वती आधारभूत विद्यालयमा २०८२ साल साउन २७ गते मंगलबार विशेष कार्यक्रमको आयोजना गरी बैदेशिक रोजगारका लागि कोरिया गएका बाट र विद्यालयको स्टाफ हरुको सहयोगमा ट्र्याक सेट, जुत्ता,मोजा जस्ता सामग्री वितरण गरिएको छ।
कार्यक्रम वडा अध्यक्ष गणेश बहादुर तामाङको प्रमुख आतिथ्यता तथा विद्यालय व्यवस्थापन समितिका अध्यक्ष हिरा बहादुर तामाङको सभापतित्वमा सम्पन्न भएको थियो । कार्यक्रममा शिक्षाप्रेमी, बुद्धिजीवी, अभिभावक ,आमा समुह लगायतको उपस्थिति रहेको थियो।
बैदेशिक रोजगारीका सिलसिलामा दक्षिण कोरियामा रहनु भएका सन्जिब खतिवडा ,सुरेश तामाङ, श्याम तामाङ, होङ व.तामाङ, आशिष बाल कृष्ण लुइटेल, अमित तामाङ बोम्जन लगायतको को सहयोगमा विद्यालयलाई सहयोगस्वरूप कुल रू. ४३००० सहयोग गरेको थियो जसबाट ट्र्याक सेट, जुत्ता,मोजा जस्ता सामग्री वितरण गरिएको हो ।
स्थानीय तहका जनप्रतिनिधि र विद्यालय परिवारले सहयोगीहरूलाई धन्यवाद ज्ञापन गर्दै यस्ता सहयोगले विद्यालयको शैक्षिक र अतिरिक्त क्रियाकलापमा टेवा पुग्ने विश्वास व्यक्त गरेका छन्।
