पछिल्लो समय नेपालमा सम्बन्ध–विच्छेदका घटना ह्वात्तै बढेको छ। विशेषगरी वैदेशिक रोजगारीमा गएका हरु सम्बन्ध–विच्छेद गर्नेको सँख्या धेरै छ। यसैगरी छ महिनाको अवधिमा मात्रै बिभिन्न शिलशिलामा दक्षिण कोरियामा रहेका ६५ जना नेपालीले सम्बन्ध-विच्छेद गरेका नेपाली राजदुतावास दक्षिण कोरियाले जनाएको छ ।
नेपाली राजदुतवास दक्षिण कोरियाका राजदुत शिवमाया तुम्बाहाङ्फे कोरिया आगमन भएको ६ महिना पुगेको अवसरमा नेपाली समुदायलाई कार्य र प्रगति विवरणको जानकारी दिने क्रममा तुम्बाहाङ्फेले कोरिया प्रवेश गरेको मात्रै छ महिनाको अवधिमा ६५ जना नेपालीको सम्बन्ध-विच्छेद प्रमाणिकरणमा हस्ताक्षर गर्नुभएको बताउनु भएको थियो। अफिसमा आएर सबैभन्दा पहिले काम प्रारम्भ गर्दा सम्बन्ध-विच्छेद प्रमाणिकरणमा हस्ताक्षर गर्दा आफुलाई एकदमै दु:ख लागेको बताउनुहुँदै तुम्बाहाङ्फेले बैदेशिक रोजगारमा गएर हाम्रो समाज बिखण्डित हुँदैछ कि भन्ने अनुभुती लागेको समेत मनसाय ब्यक्त गर्नुभएको थियो। प्राय श्रीमान श्रीमती फरक फरक देशमा हुँदा सम्बन्ध बिच्छेद भएको घटना त धेरै सुनेको तर दुबै जना कोरियामानै हुँदा समेत् यस्तो घटना आएको कारण बिचार गर्नुपर्ने स्थिती आएको छ ।
वैवाहिक जीवन व्यतीत गरेको वर्षौ बितिसकेपछि पनि सानातिना मनमुटावकै निहुँमा सम्बन्ध–विच्छेद गर्न हतारिने पश्चिमा संस्कृतिको देखासिकीले हाम्रो पारिवारिक मेल र सामाजिक सद्भाव खलबलिँदै छ। सम्बन्ध–विच्छेद, महिला–पुरुष दुवैका लागि प्रत्युत्पादक र समाजका लागि घातक नै हुने भएकाले यसप्रति समाज र सरकार गम्भीर हुन जरुरी छ।
