विशाल आवाज: गैर आवासीय नेपाली सङ्घ राष्ट्रिय समन्वय परिषद्(NRNA-NCC) दक्षिण कोरिया ख्याङ्गसान शाखाको छैठौँ ऐतिहासिक अधिवेशन जुलाई २० तारिखका दिन किम्हेमा हुने भएको छ।
NRNA दक्षिण कोरिया केन्द्रको अधिवेशन नजिकिएसँगै यसको ख्याङ्गसान शाखाको पनि छैठौँ ऐतिहासिक अधिवेशन जुलाई २० तारिख आइतबारका दिन ११ बजे किम्हे स्थित न्यू लिटिल इन्डिया रेस्टुरेन्टको हलमा हुने भएको छ। ख्याङ्गसान स्थित नेपाली हरुलाई एकताको सुत्रमा बाँध्दै मनोरञ्जन कार्यक्रम, राजदूतावासको घुम्ती सेवा अनि खेलकुद कार्यक्रम गरी विभिन्न सामाजिक कार्यहरूमा सहयोग गर्दै आइरहेको छ। यति मात्रै नभएर समाजले सो क्षेत्रमा रहेका नेपालीलाई परेको दुःखसुखमा साथ सहयोग समेत गर्दै आइरहेको छ। ऐतिहासिक छैठौं अधिवेशनबाट नयाँ कार्य समिति चयन हुनेछ भने उक्त कार्यसमितिको अध्यक्षका लागि हालसम्म चार/पाँचजनानै आकांक्षी देखिएको कारण यसपालि अधिवेशनको रौनक झनै बढेको छ।
जुलाई २० तारिख किम्हेमा हुने गैर आवासीय नेपाली सङ्घ राष्ट्रिय समन्वय परिषद्(NRNA-NCC) दक्षिण कोरिया ख्याङ्गसान शाखाको छैठौँ ऐतिहासिक अधिवेशनलाइ सभ्य र भव्य तरिकामा सम्पन्न पार्नका लागि दक्षिण कोरियावासी सम्पूर्ण नेपालीहरूलाई उपस्थितिका लागि आयोजकले विशाल आवाजमार्फत हार्दिक निमन्त्रणा समेत गरेको छ।
