पछील्लो समय कोरियामा अत्याधिक बढीरहेको गर्मीको कारण एक बिदेशी भियतनामी कामदार, ग्योङबुकको गुमीमा रहेको एक अपार्टमेन्ट निर्माण स्थलमा ढलेर र मृत्यु भएको छ।
ग्योङबुक अग्निशमन विभाग र गुमी प्रहरी चौकीका अनुसार, एक सहकर्मीले ए (२३) लाई अघिल्लो दिन साँझ ४:४० बजेतिर गुमी-सीको सान्डोङ-युपमा रहेको अपार्टमेन्ट निर्माण स्थलमा ढलेको अवस्थामा फेला पारेर रिपोर्ट गरेको बताइएको छ।
उक्त ब्यक्ती पहिले नै पहिलो बेसमेन्ट तल्लामा निर्माण स्थलमा मृत अवस्थामा फेला परेका थिए।गुमी अग्निशमन विभागका अनुसार सो व्यक्ति फेला पर्दा उनको शरीरको तापक्रम ४०.२ डिग्री रहेको बताइएको छ।
त्यस समयमा गुमीमा दिनको तापक्रम ३७.२ डिग्री थियो।
त्यस दिन देखिनै काम सुरु गरेका उनले फर्मवर्क जडान गर्ने काम गरिरहेको थियो भने काम सकेपछी सहकर्मीहरूलाई बाथरूम जान्छु भनेर हिंडेका उनी पछी नफर्केको भन्ने अनुसन्धान गरिएको छ।
रोजगार तथा श्रम मन्त्रालयको गुमी रोजगार तथा श्रम कार्यालयले दुर्घटनापछि सम्बन्धित कार्यस्थलमा काम गर्न पूर्ण रूपमा निलम्बन गरेको छ।
अनुसन्धानको जिम्मेवारीमा रहेको रोजगार तथा श्रम मन्त्रालयको डेगु क्षेत्रीय रोजगार तथा श्रम कार्यालयले औद्योगिक सुरक्षा ऐन र गम्भीर दुर्घटना ऐनको कुनै उल्लङ्घन भएको छ कि छैन भनेर व्यवसाय मालिकसँग सोधपुछ गरी चेकजाँच गर्ने योजना बनाएको छ।
