ओमलाल ओली:दक्षिण कोरियामा आज राष्ट्रपतीय चुनाव शान्तिपूर्ण रूपमा सुरु भएको छ। बिहान ६:०० बजेदेखि नै देशभरका मतदान केन्द्रहरूमा मतदान प्रक्रिया अघि बढाइएको छ। यो चुनाव पूर्व राष्ट्रपति युन सुक-योलको पदच्युतिपछि नयाँ राष्ट्रपतिको चयनका लागि आयोजना गरिएको हो।
निर्वाचन आयोगका अनुसार आजको मतदान साँझ ८:०० बजेसम्म जारी रहनेछ। देशभरका हजारौं मतदान केन्द्रमा कडा सुरक्षा व्यवस्था गरिएको छ, र मतदाता परिचयपत्र (जस्तै 주민등록증, 운전면허증, वा पासपोर्ट) सहित आफ्नो तोकिएको मतदान केन्द्रमा उपस्थित हुनुपर्नेछ।
निर्वाचन आयोगले अनुमान गरेको छ कि आज राति वा भोलि बिहानसम्म प्रारम्भिक नतिजा सार्वजनिक गरिनेछ। यद्यपि, यदि उम्मेदवारहरूबीचको प्रतिस्पर्धा निकै कडा देखिएमा अन्तिम नतिजा आउन केही समय लाग्न सक्ने बताइएको छ।
देशका प्रमुख उम्मेदवारहरूले अन्तिम दिनसम्म जनमत प्रभावित पार्न प्रयास गरेकाले आम जनमानसमा उत्साह बढेको देखिएको छ। राजधानी सिओलदेखि बुसान, थेगु, ख्वाङजु लगायतका सहरमा मतदान केन्द्रहरूमा बिहानैदेखि लामो लाइन देखिएको छ।
