विशाल आवाज: दक्षिण कोरियाको बुसान स्थित सक्रिय जातीय संस्था तामाङ घेदुङ दक्षिण कोरिया, ख्यङसाङ बुसान शाखाको ऐतिहासिक पाँचौं अधिवेशन अप्रिल ६ मा हुने भएको छ।
“भाषा,कला,संस्कार र संस्कृति हाम्रो शान,विश्व भरिको तामाङ एकता हाम्रो अभियान” भन्ने मुल नाराका साथ २०१८ मा स्थापना भएको नेपाल तामाङ घेदुङ दक्षिण कोरिया ख्याङसाङ् बुसान शाखाले आफ्नो आफ्नो संस्थाको ऐतिहासिक पाँचौं अधिवेशन आउने अप्रिल ६ तारिख आइतबारका दिन ख्याङ्नाम क्षेत्र किम्हे शहरको न्यू लिटल इन्डिया रेस्टुरेन्टको सभा हलमा गर्ने भएको हो।
सांस्कृतिक,खेलकुद लगायत , विभिन्न मनोरञ्जनात्मक सामजिक कार्यहरु गर्दै आएको घेदुङ शाखाले आफ्नो स्थापना कालदेखि नै निरन्तर रुपमा विभिन्न समस्यामा परि बस्ने दिदिबहिनी हरुलाई मध्यनजर गरि “नाना आङा धिम”(आवास गृह) संचालन गर्दै आएको छ। यसैगरी संस्थाले नेपाल लगायत दक्षिण कोरियामा विभिन्न संघसंस्थाको सहकार्यमा सामाजिक कार्यहरूमा हातेमालो समेत गर्दै आइरहेको छ।
कोरियामा रहनु हुने सम्पूर्णबुद्धिजिवि, समाजसेवी, पेशावर, ब्यापार व्यवसायि,विद्यार्थी लगायत सम्पुर्ण तामाङ तथा गैर तामाङ कोरियाबासी नेपाली दाजु भाई दिदिबहिनीहरुमा कार्यक्रममा उपस्थित जनाइदिनु हुन आयोजकले विशाल आवाज मार्फत हार्दिक अनुरोध समेत गरेको छ।
