विशाल आवाज: नेपाली राजदूतावास दक्षिण कोरियाको आयोजना र नेपाली सम्पर्क समिति बुसानको सहआयोजनामा यही मार्च २६ तारिखका दिन किम्हे बुसानमा श्रमिक अभिमुखीकरण तथा सचेतना कन्सुलर सेवा प्रवाह सम्बन्धी अन्तरक्रिया कार्यक्रम साथमा राहदानी नवीकरण सेवा हुने भएको छ।
नेपाली राजदूतावासले कोरियामा रहनुभएका नेपाली सम्पूर्ण नागरिकहरूलाई सहज र सरल रुपमा सेवा प्रवाह गर्ने उद्देश्यले विभिन्न समयमा विभिन्न ठाउँहरूमा राहधानी र कन्सुलर घुम्ती शिविर तथा श्रमिक सचेतना कार्यक्रम गर्दै आइरहेको छ। सोही कार्यक्रमलाई निरन्तरता दिँदै यही आउँदो मार्च १६ तारिख का दिन नेपाली राजदूतावासका आयोजना तथा नेपाली सम्पर्क समिति बुसान शाखाको सहकार्यमा बुसानको किम्हे शहर स्थित 3F,Garakro 95,Gimhaesi,Gyeongnam मा घुम्ती शिविर तथा श्रमिक सचेतना कार्यक्रम आयोजना गरिने भएको हो।
नेपाली राजदूतावास सियोलले एक सूचना जारी गर्दै राहदानी र कन्सुलर सेवाका लागि प्रचलित कानुनले तोकेको शुल्क बाहेक अन्य कुनै पनि थप शुल्क नलाग्ने समेत जानकारी गराएको छ। साथै सोदिन राहदानी नवीकरणबाहेक अन्य कुनै पनि सेवा उपलब्ध नहुने जानकारी गराउँदै सेवाग्राहीले पुरानो राहदानी र नागरिकताको प्रतिलिपि अनिवार्य रूपमा ल्याउनु हुन समेत अनुरोध गरिएको छ।
कार्यक्रमबारे विस्तृत जानकारीका लागि नेपाली सम्पर्क समिति बुसान शाखाको अध्यक्ष चन्द्र कार्की (01027541741) लाइ सम्पर्क गर्नुहुन आयोजकले आग्रह समेत गरेको छ।
