दक्षिण कोरियाका राष्ट्रपति 윤석열 (युन सक योल) विरुद्ध पक्राउ पुर्जी जारी गरिएको छ, जुन संवैधानिक इतिहासमै पहिलो पटक हो। लोकतन्त्रको अभ्यास देशको परिवेश अनुसार फरक तरिकाले गरिन्छ, र दक्षिण कोरियाको अभ्यास विशेष भएको प्रमाण हो यो।
अपराध अनुसन्धान मुख्यालयका उच्च पदस्थ अधिकारीहरू द्वारा राष्ट्रपति युन सक योल विरुद्ध माग गरिएको उक्त पक्राउ पुर्जी अदालतबाट जारी गरिएको थियो । यसमा मुख्य कारण राज्य द्रोह गरेको र अधिकारको चरम दुरुपयोग गरेको आरोपहरू लगाइएको छ। अब तोकिएको मितिमा राष्ट्रपति युन सक योलको निवासमा गएर पक्राउ गर्ने प्रयास हुनेछ।
तर यो आदेशलाई सैन्य गोपनीयताका कारण र अपराध संहितामा तोकिएका मापदण्डका कारण सुरक्षा टोलीले पक्राउ पुर्जी कार्यान्वयन अस्वीकार गर्न सक्छ। यस्तो अवस्था आयो भने पक्राउ पुर्जी कार्यान्वयनको प्रयास गर्ने अनुसन्धान निकाय र सुरक्षा निकाय बीच टकराबको सम्भावना पनि रहन सक्छ। यसमा सहयोगी निकाय र प्रहरीले विभिन्न सम्भावनाहरूको मूल्याङ्कन गरेर पक्राउ पुर्जी कार्यान्वयनको तयारी गर्दै छन्।
KBS 뉴스
