विशाल आवाज:यहि आउँदो आइतबार नोभेम्बर १० तारिखका दिन खिम्पोमा हुने नुवाकोट समाज दक्षिण कोरियाको ११ औ साधारण सभाको सम्पूर्ण तयारी पूरा भएको आयोजकले जनाएको छ।
“सामाजिक एकता र समृद्ध नुवाकोट-हाम्रो अठोट” भन्ने मूल नाराका साथ सन् २०१४ मा स्थापित नुवाकोट समाज दक्षिण कोरियाले यही आउँदो नोभेम्बर १० तारिख आइतबारका दिन दिउसो १२ बजे खिम्पो स्थित खुरे यकमा रहेको नमस्ते एभरेस्ट रेस्टुरेन्टको सभाहलमा एघारौँ साधारण सभा शुभकामना आदानप्रदान तथा भेटघाट कार्यक्रम भव्यताका साथ आयोजना गर्दैछ।
नुवाकोट समाज दक्षिण कोरियाले आफ्नो स्थापना कालदेखि नै दक्षिण कोरिया लगायत नेपालमा विभिन्न संघसंस्थाको सहकार्यमा सामाजिक कार्यहरूमा हातेमालो गर्दै आइरहेको छ। समाजले ११औ साधारण सभा शुभकामना आदानप्रदान तथा भेटघाट कार्यक्रम गरी विभिन्न कालखण्डमा समाजलाई योगदान पुर्याउनु हुने सल्लाहकारहरूलाई सम्मान गर्नुको साथै विभिन्न श्रष्टाहरूको रचना हरू समेत प्रस्तुत गर्ने संस्थाका अध्यक्ष बुद्धिबहादुर तामाङले बताउनुभएका छन्।
नोभेम्बर १० तारिख आइतबारका दिन आयोजना हुने नुवाकोट समाज दक्षिण कोरियाको एघारौँ साधारण सभा,शुभकामना आदानप्रदान तथा भेटघाट कार्यक्रममा विभिन्न सिलसिलामा दक्षिण कोरियामा रहनुभएका सम्पूर्ण नेपालीहरूमा उपस्थितिका लागि आयोजकले हार्दिक निमन्त्रणा समेत गरेको छ।
