विशाल आवाज: मंन्जुश्री संवत् २८६०औ मु पुख्रि ल्हो ( डुक ल्हो ) सोनाम ल्होछारको अवसरमा नेपाल तामाङ घेदुङ दक्षिण कोरियाले फेब्रुअरी ९ तारिख शुक्रबार का दिन जोङ्गाक स्टेशन नजिक खोङवामुन पछाडि रहेको HW CONVENTION HALL मा बृहत सास्कृतिक कार्यक्रम २०२४ गर्ने भएको छ।सलनालको पहिलो दिन दिउसो ३:३० बाट सुरु हुने कार्यक्रममा नेपाल वाट उर्गेन दोङ,सुमिना लो को साथमा अनु चौधरी आउने पक्का भएको छ।
नेपाली तामाङ समुदायको महान पर्व एवं नेपाली राष्ट्रिय पर्व सोनाम ल्होछारको पावन अवसरमा “तामाङ भाषा,धर्म कला संस्कार संस्कृतिको प्रवर्धन गरौं!आफ्नो पहिचान र अस्तित्वको लागि एक हौं” भन्ने मुल नाराका साथ सोनाम ल्होछार २८५९ ह्योयी /तावर ल्हो को बिदाई डुक/मु पुख्री ल्हो लाई स्वागत गर्दै तामाङ हरुको मौलिक परिकारहरु सहित सोल/ भोज,शुभकामना आदान-प्रदान, र वृहत सांस्कृतिक कार्यक्रमको साथमा भब्य रुपमा मनाउने भएको हो ।
अहिलेको युवा पुस्तामाझ चिरपरिचित युगल गायन जोडि उर्गेन दोङ र अनु चौधरी संगै नेपालबाट आमन्त्रित कलाकार सेलो गायिका सुमिना लो को साथमा स्थानीय कलाकारहरू DORZ JoJo, रिचा ब्लोन, आशिष मोक्तान, प्रतिज्ञा लामा, सूर्य रुम्बा,मिनु मोक्तान,करप रुम्बा, शर्मिला तामाङ,जुलिफा तामाङ, सपना स्याङ्तान, इश्वर तामाङ, बिनोद घिसिङ,निरुता लामा,डोमा तामाङ,पेम्बा तामाङ,भावना योन्जन,हस्त तामाङ, अन्जली तामाङ,shirline तामाङ, सरस्वती लामाको बेजोड प्रस्तुति रहने छ।
फेब्रवरी ९ तारिखका दिन HW convention Hall मा हुने ल्होछार कार्यक्रमको सम्पुर्ण तयारी पुरा भैसकेको हुनाले कार्यक्रममा तामाङ लगायत गैर तामाङ दक्षिण कोरिया बासि सम्पुर्ण दाजुभाई तथा दिदी बहिनीहरुलाइ उपस्थित भएर कार्यक्रम लाइ सभ्य र भब्यताका साथ सफल पार्नु हुन आयोजकले विशाल आवाज मार्फत निमन्त्रणा गर्दै आह्वान समेत गरेको छ ।
