विशाल आवाज: कोरियन नयाँ वर्ष सलनालको अवसरमा फेब्रुअरी ११ तारिख “जेजुमा नेपाली पुस्तकालय स्थापनार्थ” माउण्ट एभरेष्ट रेष्टुरेन्ट जेजुको को आयोजनामा गायक प्रकाश दुतराजको साथमा “जेजु साङ्गितिक साझ २०२४” हुने भएको छ।
कोरियन पर्व सलनालको तेश्रो दिन ११ तारिक बेलुकी ८ बजे बाट माउण्ट एभरेष्ट रेष्टुरेन्ट जेजु को हलमा हुने कार्यक्रममा नेपाल बाट आमन्त्रित ख्यातिप्राप्त लोक गायक तथा सर्जक प्रकाश दुतराजको सांगीतिक प्रस्तुती रहने छ। यता कोरियाको सहरहरु सऊल र बुसानमा धेरै कार्यक्रम हरु भइरहदा जेजु मा भने यती लामो बिदामा पनि तामाङ घेदुङ जेजु साखाको मात्र एउटा कार्यक्रम भएको हुँदा ल्होसार कार्यक्रम लाई असर नपर्ने गरी जेजु बासी लाई पनि सलनालको बिदामा मनोरन्जन दिलाउनु का साथै नेपाली पुस्तकालय स्थापनार्थ जस्तो पवित्र सामाजिक कार्यमा सरिक गराउन कार्यक्रम आयोजना गरेको माउण्ट एभरेष्ट रेष्टुरेन्ट जेजुका प्रोपाइटर सुरक्षा शर्मा ले बिशाल आवाजलाइ जानकारी दिनु भयो।
“जेजुमा नेपाली पुस्तकालय स्थापनार्थ” जेजु दो क्षेत्रमा रहेका कृयाशिल बिभिन्न सामाजिक संघ संस्था र समुह हरुको सहयोगमा आयोजना गरिएको “जेजु साङ्गितिक साझ” सफल पार्नको लागि जेजु आसपास लगायत दक्षिण कोरियामा रहनु भएका सम्पूर्ण नेपाली दाजू भाई तथा दिदिवहिनिहरुलाई उपस्थित भइदिनु हुन ले आयोजक माउण्ट एभरेष्ट रेष्टुरेन्ट जेजु ले हार्दिक निमन्त्रणा समेत गरेको छ।
