विशाल आवाज: डिसेम्बर २४ राती कोरियाको गजेदो स्थित ( 한화오션 성산 기업 ) कम्पनीमा कार्यरत सोलुखुम्बु जिल्ला नेचासल्यन गा.पा ५ सितादु निवासी रन्जन राइको सुतेकै अवस्थामा मृत्यु भएको छ।
सोलुखुम्बु सेवा समाजका पुर्व उपाध्यक्ष समेत रहेका रन्जन राई को अहिलेसम्मको अवस्था घटना बारे पुलिसले कम्पनीमा सोधपुछ गरी शब पोस्टमाटमको लागि हस्पिटल लगिएको र दूतावासलाई जानकारी गराई सकिएको साथै मृतकको परिवार संग सम्पर्क गरि जानकारी समेत गराई सकिएको समाजका अध्यक्ष राजु राइले जानकारी दिनु भएको छ।
उता नेपालमा कोरिया आउन तँछाड मछाड चलिरहेको बेला कोरियामा यो संगै हप्ता दिन भित्रै दु:खद घटनाको संख्या तिन पुगेको छ। यस अघि दुप्चेश्वर वडा नं २ बोल्गाङ निवासी पासाङ श्याङ्बा मिति २०२३ डिसेम्बर २२ तारीक छुङनाम येसान सी स्थीत कम्पनीमा दुर्घटनामा परी दुःखद निधन भएको र दक्षिण कोरियाको छनानमा कार्यरत याङ्नाम पाँचथर ८ लिगिम्बाका नरेन्द्र केरुङ, सुतेको अवस्थामा निधन भएको थियो ।
