कमला केसी/विशाल आवाज :दक्षिण कोरियामा सक्रिय गण्डकी प्रदेश समाजको प्रथम बार्षिक साधारण सभा ग यहि डिसेम्वर २४ तारिख आइतवार साधारण सभा सउलमा हुने भएको छ ।
समाजको गत आइतवार सम्पन्न वैठकले २४ तारिखमा सिओलमा साधारण सभा गर्ने निणर्य गरेको हो । साधारणसभाको सहआयोजकमा गण्डकी प्रदेशका ११ वटै जिल्ला समिति रहेका छन् । वैठकमा साधारण सभा के कसरी संचालन गर्ने के कसरी प्रतिनिधिहरुको सहभागिता गराउने लगायतका विषयमा छलफल भएको समाजका अध्यक्ष प्रविण गिरीले जानकारी दिनुभयो । उहाँका अनुसार साधारण सभामा कोरियामा रहेका केन्द्रीय स्तरका संस्था, प्रदेश स्तरीय संस्था, जिल्ला अध्यक्ष, पुर्व अध्यक्ष, सल्लाहाकार सवैलाई आमन्त्रण गर्ने निणर्य भएको छ । त्यसैगरी वैठकमा तीन सय जना सम्मको सहभागिता रहने अनुमान गर्दै सोहि अनुसार पत्राचार, कार्यक्रम हल व्यवस्थापन, खाजानास्ताको व्यवस्थापन गर्ने निर्णय समेत भएको अध्यक्ष गिरीले जानकारी दिनुभयो ।
सिंगो गण्डकी प्रदेश समाजको साधारण सभा भएकाले उक्त कार्यक्रम भन्दा एक साता अघि जिल्ला स्तरका कार्यक्रम आयोजना नगरिदिन पनि वैठकले अनुरोध गरेको छ ।
साधारण सभामा सहभागि हुने संस्थाहरुलाई संस्थागत प्रमाणपत्र प्रदान गर्ने समेत तयारी गरिएको छ । पहिलो चरणको वैठकमा भक्त थापा, दिपक श्रेष्ठ, भूमिराज भुसाल, सन्तोष पौडेल, मेघप्रसाद वाईवाले छलफलमा सहभागिता जनाउनुभएको थियो भने दोस्रो चरणको छलफलमा भूमिराज भुसाल, भक्त थापा, दिपक श्रेष्ठ र सन्तोष पौडेल सहभागि हुनु भएको थियो ।
साधारण सभामा संस्थाको बार्षिक प्रतिवेदन प्रस्तुत गर्दै आगामी कार्ययोजना समेत निर्माण गरिने भएकाले सवैलाई उपस्थित भएर सभ्य र भव्य बनाउन सहयोग गरिदिन अध्यक्ष गिरीले आग्रह गर्नुभएको छ । कार्यक्रम विहान ११ बजे शुरु भई ४ बजे सम्पन्न हुने पनि उहाँले बताउनुभयो । सधारण सभा दुई चरणमा सम्पन्न हुने छ । शुरुमा उद्घाटन गर्ने र दोस्रो चरणमा बन्दसत्र हुने बताईएको छ ।
प्रवासी भूमिमा नेपाली एकता, गण्डकी प्रदेशको सामुहिक सहभागिता भन्ने मुल नारा लिएर स्थापना भएको समाजले विभिन्न रचनात्मक काम गर्दै आएको छ ।
