कोरियामा रहेका नेपालीले यसरी मनाए भाइटिका/ देउसी भैलो फोटो फिचर सहित
बिशाल आवाज :नेपालीहरुको दोश्रो ठूलो मुख्य चाड तिहार को भाईटीका कोरियामा बसोबास गर्ने नेपालीहरुले पनि मनाएका छन् । कोरियाको शुभ साइत अनुसार नोभेम्बर १५ बिहान ११:४२ मिनेटमा कोरियाका विभिन्न शहर हरुमा टिका लगाई मनएका छन ।
चाडपर्व मध्ये कै यमपञ्चक अर्थात् तिहारको पाँचौँ दिनको सन् २०२३ अर्थात् बिस २०८० को भाइटीका हर्सौल्लास साथ सम्पन्न भएको छ ।
बुधबार कामको दिन भाइटिका परेकोले समय मिलाउन सक्ने नेपालीले बिदा लिई र बिदा नमिल्नेहरुले कामबाट फर्के पछि भाईटीका मनाएका हुन ।कोरियामा दिदिबहिनी दाजुभाइ नहुनेहरु केही नेपाल गएका छन् भने कोरियामा आफ्नै दाजु भाई दिदिबहिनी नहुने हरुले पनि आफ्नो कला रितिरिवाजलाई जोगाइरहन निधार खाली नगर्न कोरियामै दाजुभाइ दिदिबहिनी बनाएर हर्षोल्लासका साथमा टिका लगाएका छन् ।
कोरियामा रहेका नेपाली समुदायले चाडपर्वलाई नेपालमा जस्तै गरि काग तिहार देखि नै भाईटीका सम्म ५ दिन झिलीमिलि बनाएर नेपाल कै जस्तै गरि सामाग्री तयार गरि दाजुभाईलाई दिदि बहिनिले दिएका छन् ।
दिदीबहिनीले आफ्ना दाजुभाइलाई श्रद्धा, आस्था र निष्ठाका साथ दीर्घायु, आरोग्य र ऐश्वर्य प्राप्तिको कामना गर्दै परम्परा अनुसार पञ्चरङ्गी वा सप्तरङ्गी टीका लगाई दिएका छन् ।
टीका दिनभर लगाउन कुनै बाधा नरहेकोले समय अनुकुल पारेर काम बाट आएर साँझ देखि राती सम्म भाईटीका लगाईएको छ ।
दिदीबहिनीले दाजुभाइलाई तेलको धाराले छेकेर परम्परा अनुसार सप्तरङ्गी वा पञ्चरङ्गी टीका, मखमली, सयपत्री र गोदावरीलगायतका फूलका माला लगाई दिएका छन् ।
टीका लगाइदिएपछि दिदीबहिनीले दाजुभाइलाई ओखर,क़ाजु ,किसमिस ,मरमसला एवं सेलरोटी लगायतका खानेकुरा दिने र दाजुभाइले पनि दिदीबहिनीलाई गच्छेअनुसार सौभाग्यका दक्षिणा दिई सम्मान प्रकट गरेका छन् ।
यसै गरी तिहारको उपलक्षमा कोरियामा रहेका बिभिन्न संघसस्था हरुले देउसी भैलो कार्यक्रम गरेर यसपालिको तिहारको बिदाइ समेत गरेका छन् ।
