पाँचौं प्रवासी मजदुर वक्तृत्वकलामा गुन्जमानको प्रथम स्थानसगै नेपालको जीत कायमै
पाँचौं प्रवासी मजदुर कोरियन वक्तृत्वकला प्रतियोगिता–२०२३ मा नेपालको तर्फबाट गुन्जमान लामा विजेता भएको छ । विभिन्न देशका प्रतियोगीहरूमध्ये गुन्जमानले जितेसँगै नेपालले लगातार प्रथम स्थान हासिल गर्न सफल भएको छ । यसअघि सङगे तामाङ, सानु शेर्पा, दुध बहादुर लामा र वायु पौडेलले जितेका हुन् ।
अन्तर्राष्ट्रिय धर्म इस्टक्टर एसोसिएसन (IDIA) जेग्योसा गुम्बाले आयोजना गरेको खुल्ला प्रतियोगितामा १६ जनालाई पछि पार्दै विजेता भएको हो । उनले विजेता भएसँगै प्रमाणपत्र र नगद ५ लाख वन (नेपाली पचास हजार रुपैयाँ) प्राप्त गरेका छन् ।
आइतबार सउल जोङ्गाकको जोगेसा गुम्बाको हलमा भएको कार्यक्रममा दोस्रो क्रमशः. श्रीलङ्का पहन थिहगे अन्जन र इन्डोनेसीकी निङसिह त्रि महरिअन्ती भएका छन् । त्यस्तै तेस्रो नेपालका अर्जुन बहादुर मुक्तान र किर्गिस्तानका असनोभ झनात भएका छन् । उनीहरुले क्रमशः. नगद ३ लाख वन, प्रमाणपत्र र २ लाख वन, प्रमाणपत्र प्राप्त गरेका छन् ।
नेपालको तर्फबाट गुन्जमान, अर्जुन र डम्बर ध्वाज लिम्बु सहभागी भएका थियो । त्यस्तै भियतनामबाट ३ जना, श्रीलंक, म्यानमार, कम्बोडियाबाट २/२ जना, बंगलदेश, उर्जिस्तान, इन्डोनेसिया, मङ्गोलिया र किर्गिस्तानबाट १/१ जना प्रतियोगितामा सहभागी भएका थियो । सहभागीहरूले प्रमाणपत्रको साथमा प्रत्येकले नगद १ लाख वन प्राप्त गरेका छन् ।
उक्त प्रतियोगितामा सहभागीहरूलाई आयोजकको तर्फबाट प्रतिव्यक्ति १/१ शिक्षक उपलब्ध गराई प्रत्यक्ष तथा अनलाइनमार्फत १/२ महिनादेखि कक्षाहरू दिँदै आइरहेको थियो ।
विजेता काभ्रेका गुन्जमानले नेपालका पर्यटन लगायत विविध विषयमा चर्चा र कोरिया आएपछिको अनुभव बारेमा प्रस्तुति दिएका थिए । त्यस्तै मनोरञ्जन कार्यक्रममा नेपालको तर्फबाट डोमा योञ्जन तामाङले सेलो गीतमा नृत्य प्रस्तुत गरेका थिइन् ।
