विदेशी कामदारको संख्या दोब्बर बनाउँदै कोरिया
दक्षिण कोरियाली सरकारले देशको बढ्दो श्रमिक अभावलाई सम्बोधन गर्न उत्पादन, कृषि र सेवा जस्ता प्रमुख उद्योगहरूमा विदेशी कामदारहरूको संख्या दोब्बर बनाउने योजना सार्वजनिक गरेको छ।
यस योजना अन्तर्गत यस वर्षको रोजगार अनुमति प्रणाली (E-9) को चौथो त्रैमासिकको लागि नयाँ कोटा थप १०,००० ले बढ्नेछ भने अर्को वर्ष अर्थात सन् २०२४ कोटा हालसम्मकै उच्च संख्यामा १२०,००० वा सोभन्दा बढी हुनेछ ।
कम जन्मदर र स्थानीय जनसङ्ख्या घटेका कारण कोरियाका विभिन्न कार्यस्थलहरुमा करिब २ लाख १३ हजार श्रमिकको माग रहेपनि यतिनै संख्यामा कामदार अभाव छ ।
यसअघि गैर-व्यावसायिक कार्य भिसा (E-9) लिएर दक्षिण कोरिया प्रवेश गरेका विदेशी कामदारहरूले चार वर्ष १० महिनासम्म काम गरेपछि पुनः स्वदेश फर्किएर पुन प्रवेशको प्रक्रिया गर्नुपर्थ्यो । अबको नयाँ प्रणालीले सिधै १० वर्षको अवधि बढाउनेछ ।
कोरियन कम्पनीहरुमा काम गरीरहेका विदेशी कामदार स्वदेश फर्कँदा वा पुन प्रवेशको अनुमति लिएर कोरिया आउँदासम्म खाली रहने स्थान र उक्त स्थानमा छोटो समयका लागी अन्य कामदार नपाउँदा रोजगारदाताहरुलाइ समस्या भैरहेको छ । यसैको समाधानका लागी कमिटेडको सिस्टम हटाइ लगातार १० बर्षसम्म बस्न पाउने कानुन बनाउन लागिएको छ ।
कोरियामा विदेशी श्रमिक अभाव हुनुको अर्को कारण कोरियाली रोजगारदाताहरुले राख्न पाउन विदेशी कामदारको सिमा पनी हो । यस योजनामा यो सिमालाइ बढाइएको छ । अब उत्पादन क्षत्रमा एउटै कम्पनीले १८ देखी ८९ जना सम्म विदेशी कामदार राख्न पाउनेछन् । जबकी यसअघी ९ देखी ४० जना मात्रै राख्न पाउने नियम थियो ।
त्यस्तै कृषिमा ४ देखी पच्चिसको सिमालाइ दोब्बर बनाएर ८ देखी ५० जनाको सिमा तोकिएको छ ।
कोरियाले कामदार अभावको दिर्घकालिन समाधानका लागी एक पटक कोरिया आइ रोजगार गरेका श्रमिकलाइ लामो समयसम्म कोरियामै राख्नका लागी भिसा तथा अध्यागमन कानुन समेत परिवर्तन गर्न लागेको छ । जसको उदाहरण हो अघिल्लो बर्षको तुलनामा १७ गुणा कोटा बढाइ ३५ हजार E7-4कोटा निर्धारण गर्नु ।
गोबिन्द बानियाँ/कोरिया अपडेट /एजेन्सि को सहयोग मा
