अब KIIP अर्थात 사회통합프로그램 पढ्न शुल्क तिर्नुपर्ने
गोबिन्द बानियाँ/दक्षिण कोरिया:कोरियामा बसोबास गरिरहेका विदेशी नागरीकहरुको कोरियन भाषाको दक्षता अभिवृद्धी तथा कोरियन समाजसंग घुममिल हुन उपोयोगी होस् भन्ने उद्धेश्यले कोरियाको अध्यागमन विभागले निशुल्क रुपमा कोरियन भाषाको कक्षा संचालन गर्दै आएको थियो ।
जसलाइ कोरियनमा साह्वेथोङ्हाप प्रोग्राम भन्ने गरिन्छ । ० देखी ५ लेवलसम्म जम्मा ५१५ घन्टाको कक्षा संचालन हुने यस कार्यक्रममा यो भन्दा अगाडी यस किसीमको भाषा अध्ययनका लागी कोरियन भाषाको ज्ञान परिक्षण गर्ने साजनफ्यङ्गा अर्थात लेवल टेस्टका लागी शुल्क लिएपनी भाषा अध्ययन गरेको शुल्क भने लिने गरेको थिएन ।
देशभरका ३४१ वटा कक्षा संचालन गर्ने इन्स्टिच्युटबाट संचालन हुँदै आएको कार्यक्रमप्रति विदेशी नागरीकहरुको रुचि बढ्दै गएपछी आगामी बर्षदेखी भने श-शुल्क कक्षा संचालन गर्ने सुचना सार्वजनिक भएको छ । कोरियाको न्याय मन्त्रालयले गत वुधवार जारी गरेको सुचनामा सबै लेभलका कक्षा लिन शुल्क तिर्नुपर्ने उल्लेख गरिएको छ ।
कोरियनमा साह्वेथोङ्हापप्रोग्राम अर्थात नेपाली मा सामाजिक एकिकरणको नाम दिइ संचालन गरिने यसकिसिमको भाषा अध्ययनपश्चात प्राप्त हुने नतिजाले कोरियामा लामो समय बस्न सकिने भिसा परिवर्तन गर्दा केही अंक प्राप्त गरिने तथा आफुलाइ कोरियन भाषामा तथा कोरियाली संस्कृतिको जानकारीमा पोख्त बनाउन पनि सहयोगी भएकाले नेपाली लगायत विदेशी नागरीकको अत्याधिक रुचि छ ।
शुल्क तिर्नुपर्ने उल्लेख गरिएता पनि के कति शुल्क भन्ने चाहीँ सुचनामा खुलाइएको छैन । अहिले संचालन हुने कक्षाहरुमा अत्याधिक चापका कारण कक्षाको आवेदन भर्न समेत मुश्किल हुने गरेको छ तर अब शशुल्क कक्षा संचालन गर्दैगर्दा सबैलाइ समेट्ने गरी कोटा बढाउन सक्ने अनुमान गर्न सकिन्छ ।
