दक्षिण कोरियामा रहेको न्यु भिजन ग्रुप द्वारा शैक्षिक सामाग्री वितरण
विशाल श्रेष्ठ,दक्षिण कोरिया: “युवाहरुको एकता, नयाँ सोचको अवधारणा समृद्धिको चाहना” भन्ने मुल नाराका साथ सन् २०१७ मा स्थापना भएको न्यु भिजन ग्रुप ले दोलखा मा रहेको विद्यालय मा शैक्षिक सामाग्री वितरण गरेको छ ।
ग्रुपले गत छुसकमा आयोजना गरेको डान्स पार्टिको उद्देश्य अनुरुप दोस्रो चरणको सहयोग कार्यक्रम अनुरुप बैतेश्वर गाँउपालिका ८ क्षेत्रपा स्थित यबो प्राथामिक विद्यालयमा अध्ययनरत छात्र छात्राहरुलाई शैक्षिक सामाग्री वितरण गरेको हो । वडा अध्यक्ष शान्त जिरेल साथै विद्यालयका प्रधानाध्यापक खड्ग बहादुर केसिको रहोबरमा NVG का पुर्व संयोजक दिपेन्द्र अधिकारिको प्रत्यक्ष उपस्थितिमा सम्पन्न शैक्षिक सामाग्री वितरण कार्यक्रममा उक्त विद्यालयमा अध्ययनरत छात्र छात्राहरुलाई झोला,जमेट्री बक्स, पेन्सिल सेट, कापी, रंगपेन्सिल, खेलकुद सामग्री लगायतका शैक्षिक सामाग्री वितरण गरिएको हो।
गत फाल्गुनमा इलामको भगवति आधारभुत विद्यालय र यो सँगै न्यू भिजन ग्रुपको दोस्रो चरणको कार्यक्रम सम्पन्न भएको छ भने तेस्रो चरणको सहयोग वितरण चाँडैनै उदयपुरको एक विद्यालयमा गरिने संस्थाका अध्यक्ष जिवन शर्माले जानकारि दिनुभयो । साथै संस्थाको सहयोगमा २५ सेट शैक्षिक सामग्री साथै वार्ड -८ बाट बिद्यालयलाई खेलकुद सामग्री आफै प्रत्यक्ष सहभागी भइ सामग्री हस्तान्तरण गर्न पाउँदा खुशी लागेको बताउदै संस्थाको निवर्तमान संयोजक दिपेन्द्र अधिकारीले सहयोगि संस्था, वार्ड अध्यक्ष ज्यु, बिद्यालय परिवार साथै सम्पूर्ण अभिभावक ज्युहरुलाई मनै देखि धन्यवाद व्यक्त गर्नुभएको छ।
