लगभग दुई हप्ता पहिले, जनवरी १८ तारिख आइतबार सियोलमा सम्पन्न भएको सुदूरपश्चिम समाज दक्षिण कोरियाको १९ औ साधारणसभा एबम् अधिवेशनपछि नयाँ कार्यसमिति अहिले मात्र चयन् भएर सार्वजनिक गरिएको छ।
सुदूरपश्चिम समाज दक्षिण कोरियाको १९ औ साधारणसभा एबम् अधिवेशन जनवरी १८ तारिख आइतबार सियोलमा सम्पन्न भए पनि त्यसको करिब दुई हप्ता पछि मात्र नयाँ कार्यसमिति चयन तथा घोषणा गरिएको हो। निर्वाचन समितिले बुझाएको प्रतिवेदन, संस्थाको विधान र संरक्षक समितिसँगको छलफलपछि ओम साउदको नेतृत्वमा २४ सदस्यीय कार्यसमिति गठन गरिएको जनाइएको छ।
निर्वाचन समितिबाट प्राप्त प्रतिवेदनहरूको अध्ययन गर्दै संस्थाको आवश्यकता, निरन्तरता र योगदानलाई आधार मानेर निर्णय नं. ३ अनुसार १९औँ कार्यसमिति गठन गरिएको सस्थाका प्रमुख सरक्षक डा.अग्निराज कोइरालाको हस्ताक्षर भएको बिज्ञप्तिमा जनाइएको छ।यसअघि सम्पन्न अधिवेशनमा विभिन्न पदमा एकभन्दा बढी उम्मेदवारी परेकाले सहमति र छलफलको प्रक्रिया लामो समय लागेको बुझिएको छ।
अधिवेशनमा अध्यक्ष पदका लागि डील्ली राज पनेरू, ओम साउद, महेश बजगाई, विकास बोहरा, दीपेन्द्र रोकाया र जनक बिष्ट गरी ६ जनाको उम्मेदवारी परेको थियो। त्यस्तै, वरिष्ठ उपाध्यक्ष पदमा पनि ६ जनाको उम्मेदवारी परेको थियो भने महासचिव पदमा २ जनाको उम्मेदवारी दर्ता भएको थियो।
लामो छलफल र परामर्शपछि ओम साउदको नेतृत्वमा सहमतिमार्फत नयाँ कार्यसमिति गठन गरिएको संस्थाले जनाएको छ। नवनिर्वाचित १९औँ कार्यसमितिमा अध्यक्ष ओमबहादुर साउदसहित विभिन्न पदमा पदाधिकारी तथा सदस्यहरू चयन भएका छन्।
यस्तो रहेको छ लिस्ट:
