दक्षिणि भेग अर्थात ख्यङसाङनाम्दो, किम्हे बुसान बासी लाई पासपोर्ट नवीकरणका लागि सउल धाउन नपर्ने, किम्हेमै जनवरि ४ मा घुम्ती शिविर हुँदै
दक्षिण कोरियाको ख्यङसाङ किम्हेबुसान आसपास काम र बसाइका कारण सियोलस्थित नेपाली दूतावास पुग्न नसक्ने नेपालीका लागि खुसीको खबर छ। आगामी २०२६ जनवरि ४ तारिक आइतबार सासाङमा राहदानी नवीकरण घुम्ती शिविर सञ्चालन हुने भएको छ। नेपाली राजदूतावास सियोलको आयोजना तथा स्याङजा समाज दक्षिण कोरिया किम्हे बुसान शाखाको पहलमा सासाङमा राहदानी नवीकरण घुम्ती सेवा संगै श्रमिक सचेतना तथा अन्तरक्रिया कार्यक्रम पनि हुने भएको छ ।
दक्षिण कोरियामा रहेका नेपालीहरूको समस्यालाई ध्यानमा राख्दै यसपटक भने ख्यङसाङ बुसान–किम्हे आसपासमा बस्ने नेपालीलाई नेपाली राजदूतावासले आफ्नै क्षेत्रमा सहज सेवा उपलब्ध गराउने भएको हो।
नवीकरण शुल्क २ लाख १० हजार वोन, हराएको वा च्यातिएको अवस्थामा ४ लाख २० हजार वोन, र कम्पनीमै पासपोर्ट पठाउन चाहेमा थप ३,०४० वोन लाग्नेछ। शुल्क भने नगदमा होइन, तोकिएको खातामा मात्र ट्रान्सफर गर्नुपर्नेछ।
नवीकरणका लागि Appointment QR कोड, हालको राहदानी र 외국인 등록증 (Residence Card) सक्कल अनिवार्य साथमा ल्याउनुपर्नेछ। राहदानीको म्याद एक वर्षभन्दा कम भएकाहरूले मात्र अग्रिम नामावली टिपाउन सक्नेछन्।
ख्यङसाङनाम्दो तथा बुसान भेगका नेपालीहरूका लागि ठूलो राहत हुने अपेक्षा गरिएको यो कार्यक्रममा आयोजकले सम्पूर्ण नेपालीलाई उपस्थितिका लागि आग्रह गरेको छ।
