गण्डकी प्रदेश समाज, दक्षिण कोरियाले आफ्नो स्थापना दिवस तथा दोस्रो वार्षिक साधारण सभा आगामी डिसेम्बर २८ (आईतवार) को दिन भव्य रूपमा आयोजना गर्ने जनाएको छ। संस्थाले समुदायिक एकता, सक्रियता तथा सामाजिक उत्तरदायित्वलाई अझ प्रभावकारी बनाउन यो कार्यक्रमलाई एक महत्वपूर्ण मंचका रूपमा लिएको छ।
कार्यक्रममा गण्डकी प्रदेश समाजका संस्थापक, संरक्षक, सल्लाहकार, विभिन्न विभागका संयोजक/सह–संयोजक, गण्डकी प्रदेश समाजका विज्ञापनदाता, दक्षिण कोरिया रिटर्नीज एसोसिएसन गण्डकी नेपाल, गैह्रआवासीय नेपाली संघ (NRNA) दक्षिण कोरिया, नेपाली सम्पर्क समिति (NCC), पत्रकार, तथा गण्डकी प्रदेश अन्तर्गतका जिल्ला अध्यक्षहरू, जिल्ला कार्यसमिति, दक्षिण कोरियामा क्रियाशील प्रदेश समाजहरू र राजनीतिक, जातीय तथा क्षेत्रीय संघ–संस्थाका पदाधिकारीहरूलाई विशेष उपस्थितिको लागि निमन्त्रणा गरिएको छ।
समुदायबीच आपसी सम्बन्ध र सामाजिक सामिप्यता अझ मजबुत बनाउन संस्थाले सबै शुभचिन्तक तथा सहयोगी व्यक्तिहरूलाई कार्यक्रम सहभागिताका लागि आग्रह गरेको छ।
कार्यक्रम विवरण
मिति: २०२५ डिसेम्बर २८ (आईतवार)
समय: दिउँसो १२:०० बजे
स्थान:서울시 종로구 창신길 51, 5층 (새마을 금고, 동대문역 Exit No.1 बाट 200 मिटर अगाडि)
गण्डकी प्रदेश समाज, दक्षिण कोरियाले सबैमा हार्दिक निमन्त्रणा व्यक्त गर्दै आगामी अङ्ग्रेजी नयाँ वर्ष 2026 को शुभकामना समेत दिएको छ।
