बक्स अफिसमा तहल्का मच्चाएको ब्लकबस्टर चलचित्र ‘जारी’ को सिक्वेल ‘जारी २’ दक्षिण कोरियाका विभिन्न सहरमा धमाका मच्चाएपछि सउलमा पनि डिसेम्बर १४ मा प्रदर्सन हुने भएको छ।
Mangenna Entertainment दक्षिण कोरियाको आयोजनामा हुने यो शो MEGABOX DONGDAEMUN, 메가박스 동대문 서울 중구 장충단로 247 굿모닝시티 쇼핑몰 मा दिउँसो १:०० बजे सुरु हुनेछ।
‘जारी २’ मा ऋचा शर्मा, विजय बराल, बुद्धि तामाङ, पुष्कर गुरुङ, प्रेम सुब्बा, माओत्से गुरुङ, कमलमणि नेपाल, अनिल सुब्बा, रेखा लिम्बु लगायत कलाकारहरूको दमदार अभिनय रहेको छ। चलचित्रका निर्माता रामबाबु गुरुङ, मधु मिजार र जीवन गुरुङ हुन्।
फिल्मको लेखन र निर्देशन उपेन्द्र सुब्बा ले गरेका छन् भने छायांकन सञ्जय लामा, सम्पादन निमेष श्रेष्ठ, साउन्ड डिजाइन उत्तम न्यौपाने, ब्याकग्राउन्ड स्कोर कोविद बज्रचार्य, र रंग संयोजन राजेन्द्र मोक्तान द्वारा गरिएको छ।
दुई वर्षअघि रिलिज भएको ‘जारी’ ले बक्स अफिसमा ऐतिहासिक सफलता पाएको थियो। त्यसकै निरन्तरता स्वरूप आएको ‘जारी २’ हेर्न पनि दर्शकको उच्च प्रतीक्षाको प्रमाण मानिएको छ।
