बाग्लुङ समाज दक्षिण कोरियाको वार्षिक साधारण सभा तथा खेलाडी सम्मान कार्यक्रम जनवरी ११ मा
बाग्लुङ समाज दक्षिण कोरियाले आगामी जनवरी ११ तारिख, आइतबार आफ्नो वार्षिक साधारण सभा तथा खेलाडी सम्मान कार्यक्रम आयोजना गर्ने भएको छ। “प्रवासी भूमिमा बाग्लुङेहरूको एकता, सामाजिक कार्यमा सबैको सहभागिता, आपतकालीन अवस्थामा बाग्लुङ समाजको आवश्यकता” भन्ने मूल नाराका साथ सन् २००१ मा स्थापित यस समाजले हरेक वर्षझैँ यस वर्ष पनि भव्य कार्यक्रम गर्ने तयारी गरेको हो।
कार्यक्रमको स्थान भने चाँडै अर्को सूचनामार्फत सार्वजनिक गरिने महासचिव सोभाकर शर्माले जानकारी दिनुभएको छ। सोही दिन २०२५ सिजनको भलिबल प्रतियोगितामा उत्कृष्ट प्रदर्शन गर्ने खेलाडीहरूलाई विशेष सम्मान समेत गरिने समाजले जनाएको छ।
दक्षिण कोरियामा रोजगारी, व्यवसाय र अध्ययनको शिलशिलामा रहेका बाग्लुङवासीहरूको आपसी सहयोग, सामाजिक सेवा र संकट व्यवस्थापनका उद्देश्यले स्थापना गरिएको बाग्लुङ समाज दक्षिण कोरिया कोरियाले कोरियामा मात्र नभई नेपालमा समेत विभिन्न सामाजिक तथा मानवीय गतिविधिमा सक्रिय रहँदै आएको छ। विशेषगरी कोरियामा आपतविपतमा परेका नेपालीहरूको सहयोगदेखि लिएर नेपालमा दैवी–प्रकोप तथा प्राकृतिक विपद्का समयमा समेत समाजले प्रत्यक्ष सहयोगपहुँच पुर्याउँदै आएको छ।
आगामी कार्यक्रमलाई भव्य र सफल बनाउनका लागि समाजले कोरियामा रहेका सल्लाहकार, कार्यसमिति सदस्य, व्यवसायी, समाजसेवी, बुद्धिजीवी, विद्यार्थी तथा विभिन्न संघ–संस्थाका प्रतिनिधिहरूलाई हार्दिक उपस्थितिका लागि निमन्त्रणासमेत गरेको छ।
कार्यक्रमसम्बन्धी थप विवरण चाँडै सार्वजनिक गरिनेछ।
