NRNA ख्यङसानद्वारा नोभेम्बर २३ किम्हे बुसानमा ५औँ NRNA Pool Tournament–2025 आयोजना हुने भएको छ। कोरियामा रहेका नेपाली समुदायबीच खेलकुदको माध्यमबाट सामाजिक सेवा र सहकार्यको भावना विस्तार गर्ने उद्देश्यसाथ आयोजना हुने यस प्रतियोगितामा सहभागी हुन सबै पूल–प्रेमी खेलाडी हरूलाई आयोजकले हार्दिक आह्वान गरेको छ।
आपतकालीन राहतकोष स्थापनाका लागि सामाजिक सेवामूलक रूपमा सञ्चालन हुने यो प्रतियोगिता नोभेम्बर २३ (आइतबार) बिहान ९ बजेदेखि 김해시 분성로 355번길 12-1, 3층 मा सुरु हुनेछ। आकर्षक पुरस्कारका कारण पनि यो प्रतियोगिताले समुदायभित्र उल्लेख्य उत्साह सिर्जना गरेको आयोजकहरूको भनाइ छ। प्रतियोगितामा पहिलो हुने खेलाडीले १४ लाख वोन, दोस्रोले ७ लाख वोन, तेस्रोले ३ लाख वोन, र सान्त्वना खेलाडीले १ लाख वोन सहित ट्रफी र प्रमाणपत्र प्राप्त गर्नेछन्।
प्रतियोगितामा सहभागी हुन चाहने खेलाडीहरूले ७० हजार वोन प्रवेश शुल्क तिर्नुपर्नेछ भने नोभेम्बर २२, राति ९ बजेसम्म दर्ता गरी सक्नुपर्नेछ। दर्ताका लागि KB Bank – 669501-04-317698 (Karki Bipan) खातामा रकम जम्मा गर्न सकिनेछ।
दर्ता विवरण
• 💵 Entry Fee: 70,000₩
• 📌 दर्ता अन्तिम मिति: 22 नोभेम्बर 2025, राति ९ बजेसम्म
• 🏦 बैंक खाता: KB Bank – 669501-04-317698 (Karki Bipan)
आयोजक समितिका जीवन कार्की, दोर्तिहाङ राई, बिपन कार्की र अर्जुन बेलबासेलगायतका पदाधिकारीहरूले खेलकुदमैत्री वातावरण सिर्जना गर्दै सामाजिक कार्यमा योगदान पुर्याउने उद्देश्यले आयोजना भएको यस प्रतियोगितामा सबै खेलाडीहरूलाई उत्साहपूर्वक सहभागी हुन अनुरोध गरेका छन्। NRNA ख्यङसानले गएको वर्षहरूमा जस्तै यस वर्ष पनि प्रतियोगिता मार्फत उठेको रकम राहत तथा सामाजिक सेवामा प्रयोग गरिने जनाएको छ।
