कोरियाली महान पर्व छुसक तथा नेपाली महान चाड दशैं २०८२ को पावन अवसरमा पाँचथर सेवा समाज दक्षिण कोरियाले सगौरव आयोजना गरेको सुजन चापागाइ लाइभ इन कोरिया “पाँचथर साङ्गीतिक सौगात – भाग २” कार्यक्रमको यही आउदो आईतवार नोभेम्बर २ तारिक सौलमा आयव्यय सार्वजनिक गरिने भएको छ।
गत २०२५ अक्टोबर ५ (आइतबार) का दिन सउलस्थित विश्व तेक्वान्दो मुख्यालय हल (KUKKIWON, 강남역) मा सम्पन्न सो कार्यक्रममा नेपाली राष्ट्रिय कलाकार सुजन चापागाईं & The Infinity, Voice of Nepal Season 5 का फाइनलिस्ट नोगेन हाङसुरूम्बा, Voice of Nepal 2018 की गायिका श्रेया राई लगायत अन्य कोरियामा रहेका स्थानिय कलाकारहरूको विशेष प्रस्तुति रहेको कार्यक्रमको यही आईतवार सउल दोङ्देमुनस्थित निक नेपाल ट्राभल्सको सभा हलमा आयव्यय सार्वजनिक गरिने भएको हो।
उक्त कार्यक्रममा कोरियामा रहेका नेपाली समुदायको उल्लेखनीय उपस्थिति रहेको थियो। मनोरञ्जनसँगै सामाजिक उद्देश्य जोडिएको उक्त कार्यक्रमबाट संकलित रकम ग्रामीण क्षेत्रको शिक्षामा सहयोग र आपतकालीन राहत कोष अभिवृद्धिका लागि प्रयोग गरिने आयोजकले जनाएको थियो।
आयोजक: पाँचथर सेवा समाज दक्षिण कोरिया
सहजिकरण: नेपाली सम्पर्क समिति
समन्वय: पुर्वी नेपाल समाज कोरिया
