𝐍𝐑𝐍𝐀 कोरियामा झट्का : अजय सोडारीविरुद्धको कारबाही उल्टो प्रहारमा, अध्यक्ष विपिन गुरुङमाथि गम्भीर आरोप र 𝐍𝐑𝐍𝐀 बाट निष्कासन

Advertisement

Advertisement

दक्षिण कोरियास्थित गैर–आवासीय नेपाली संघ (NRNA NCC Korea) भित्रको आन्तरिक विवादले अहिले नयाँ मोड लिएको छ।

महासचिव अजय सोडारी (पूर्णबहादुर वुढा) लाई पदमुक्त गर्ने निर्णय सार्वजनिक भएपछि, त्यसै दिन राती सोडारी पक्षबाट जारी गरिएको प्रेस विज्ञप्तिले संघको नेतृत्वमाथि नै ठूलो प्रश्न उठाएको छ।

सोडारीले विज्ञप्तिमार्फत अध्यक्ष विपिन कुमार गुरुङ र सचिव टार्जन बान्तवा राइ माथि संघको कोष दुरुपयोग, पदाधिकारी र सदस्यहरूलाई धम्की दिने, र संघलाई व्यक्तिगत तथा व्यावसायिक फाइदाको माध्यम बनाउने आरोप लगाएका छन्।
विज्ञप्तिमा भनिएको छ — “अध्यक्ष गुरुङले कार्यसमितिका सदस्यहरूलाई हप्काउँदै–धम्क्याउँदै अवैधानिक रूपमा पत्र लेख्न लगाएका छन्, जुन संघको आचारसंहिताविपरीत छ।”

सोडारीको पक्षले कारबाहीलाई “नाटकपूर्ण, असंवैधानिक र हतास मानसिकताको उपज” भन्दै त्यसको खारेजी माग गरेको छ। उनी केही समयअघि नेपाल फर्किएका थिए र संघमा औपचारिक विदाईको तयारी भइरहेको र पद हस्तान्तरणको तयारी भैरहेको अवस्थामा नाटकपूर्ण असैम्बाधानिक प्रतिसोध साधेर हतासपूर्ण मानसिकताले निर्णय लिएको बताइएको छ। सोडारिका अनुसार आफुलाई कुनै मागपत्र समेत नआएको बिशाल आवाज सँगको कुराकानीमा बताएका छन।

संघको प्रतिष्ठा र पारदर्शितामाथि प्रश्न उठाउँदै सोडारीले अध्यक्ष गुरुङ र सचिव टार्जन वान्तवा राईलाई संघको “साधारण सदस्य नरहने गरी निष्कासन गरिएको” जानकारी समेत दिएका छन्। साथै उक्त ब्यक्ती हरुलाई सस्थाको लोगो पदनाम वा परिचयको प्रयोग नगर्न कडाइका साथ अनुरोध समेत गरिएको छ।

यो घटनाले कोरियास्थित NRNA भित्र अभूतपूर्व सत्ता–संघर्ष र गम्भीर गुटबन्दी सतहमा आएको स्पष्ट भएको छ।यसै पनि कोरियामा २ वटा 𝐍𝐑𝐍𝐀 छ केन्द्रिय अध्यक्ष बद्री केसी रहेको कोरियामा पार्वती मोक्तानको नेतृत्वमा एउटा छ भने अर्को 𝐍𝐑𝐍𝐀 केन्द्रिय अध्यक्ष महेश श्रेष्ठ रहेको कोरियामा बिपिन कुमार गुरुङ नेतृत्वमा छ।
अब आगामी दिनमा यो बिषय लाइ लिमहेश श्रेष्ठ अध्यक्ष रहेको अन्तर्राष्ट्रिय समन्वय समिति (NRNA–ICC) ले कसरी प्रतिक्रिया दिने भन्नेमा सबैको ध्यान केन्द्रित भएको छ।

Advertisement

Advertisement