“प्रवासमा हाम्रो एकता, सुख दुःखमा आपसी सामिप्यता” भन्ने मूल नारासहित स्थापित वन्जु मुन्माक मैत्री समाज दक्षिण कोरियाको दोस्रो अधिवेशन २०२५ अक्टोबर ११ शनिबारका दिन दक्षिण कोरियाको गाङवोन प्रान्त, वन्जु मुन्माक (문막읍 문막리 924-8) स्थित फुटबल मैदानमा भव्य रूपमा सम्पन्न भएको छ।
संस्थाको स्थापनाको छोटो समयमै नेपाली समुदायबीच उल्लेखनीय योगदान पुर्याउँदै आएको वन्जु मुन्माक मैत्री समाजले यस अधिवेशनमार्फत नयाँ नेतृत्व चयन गरेको हो।
बोम्जन गुरुङको अध्यक्षतामा बनेको नयाँ कार्यसमिति यस्तो छ:
अध्यक्ष: बोम्जन गुरुङ
वरिष्ठ उपाध्यक्ष: डम्बर लिम्बु
उपाध्यक्षहरू: मेघराज योगी, समिर लिम्बु
महासचिव: भिम घिसिङ
सचिवहरू: ज्ञानेन्द्र न्यौपाने, गणेश मगर
कोषाध्यक्ष: सबिन बोहोरा
सह–कोषाध्यक्ष: प्रेम बस्नेत
सदस्यहरू:
तेजेन्द्र कुंवर, गंगाराज लिम्बु, सचिन लावती, विकल कार्की, अभिषेक शाही, बिनोद गौतम, तेजेन्द्र मगर, हरी फगामी मगर
स्थापनाकालदेखि नै वन्जु मुन्माक मैत्री समाजले प्रवासी नेपालीहरूबीच एकता, सहयोग र आपसी सम्बन्ध सुदृढ गर्न निरन्तर क्रियाशील रहँदै आएको छ।
समाजले यसअघि नेपाली चलचित्र प्रदर्शन, बनभोज, देउसी–भैलो कार्यक्रम, र फुटबल प्रतियोगिता जस्ता सांस्कृतिक तथा मनोरञ्जनात्मक कार्यक्रम आयोजना गर्दै आएको छ।
त्यससँगै आपतविपतमा परेका नेपालीहरूलाई आर्थिक र मानवीय सहयोग प्रदान गर्दै आएको समाजले यस अधिवेशनमा दक्षिणी भेग ह्वैङ्सङ (횡성) का नेपालीहरूलाई पनि समेट्ने निर्णय गरेको छ, जसले संस्थालाई अझ व्यापक र समावेशी बनाउने विश्वास व्यक्त गरिएको छ।
