नेपाल आदिवासी जनजाति महासंघ ख्यङ्साङनाम्दो, बुसान शाखाले आफ्नो ऐतिहासिक पाँचौँ अधिवेशन २०२५ सेप्टेम्बर २८ (आइतबार) का दिन किम्हे स्थित न्यू लिटल इण्डिया रेष्टुरेन्टको सभाहलमा सम्पन्न गरेको छ।
“मौलिक भाषा, धर्म, संस्कृति र परम्पराहरूको संरक्षण गर्दै आत्मसम्मान, सह–अस्तित्व र पहिचान प्राप्तिका लागि गोलबद्ध बनौं” भन्ने मूल नारासहित सम्पन्न अधिवेशनमा प्रमुख अतिथि नेपाल आदिवासी जनजाति महासंघ कोरियाका अध्यक्ष बिसन राई रहनुभएको थियो भने कार्यक्रमको सभाध्यक्ष्य परि गुरुङ रहनुभएको थियो।
यस अधिवेशनमा ख्यङ्साङनाम्दोमा रहेका विभिन्न संघ–संस्थाका प्रतिनिधिहरु सहितको बाक्लो उपस्थिति रहेको थियो।
नव–निर्वाचित कार्यसमिति यसप्रकार रहेको छ :
• अध्यक्ष : जय राई
• वरिष्ठ उपाध्यक्ष : आकास घिसिङ
• उपाध्यक्ष : बिकास राई
• महासचिव : तुफान मगर
• सचिव : राम माझी
• कोषाध्यक्ष : नितेश नेम्बाङ
सदस्यहरू :
रोजिना मगर, रेशम गुरुङ, विमेश गुरुङ
नव निर्वाचित अध्यक्ष जय राईले आफूलाई यो गरिमामय जिम्मेवारीका लागि निर्वाचित गर्ने सम्पूर्ण प्रतिनिधिहरु, विशिष्ट अतिथि तथा शुभेच्छुकप्रति आभार व्यक्त गर्दै महासंघलाई सबै आदिवासी जनजातिहरुको साझा संस्थाको रूपमा सशक्त बनाउन निरन्तर लागिपर्ने प्रतिबद्धता व्यक्त गरेका छन्।
यस अवसरमा नयाँ कार्यसमितिका सम्पूर्ण पदाधिकारी तथा सदस्यलाई हार्दिक बधाई तथा सफल कार्यकालको शुभकामना दिइएको छ।
