कोरियामा रहेका नेपालीहरूको हकहित, एकता र सामाजिक सेवामा सक्रिय खोटाङ सेवा समाज दक्षिण कोरियाको २०औं अधिवेशन आज (सेप्टेम्बर २८, आइतबार) सिओलमा सम्पन्न भएको छ।
सिओलस्थित 종로구 창신길 ५१, ५औं तल्ला (MG 새마을금고 हल) मा भएको अधिवेशनमा कोरियामा सक्रिय विभिन्न संघ–संस्था, राजनैतिक दलका प्रतिनिधि, व्यवसायी, पत्रकार, बुद्धिजीवी तथा सर्वसाधारण नेपालीहरूको उल्लेख्य सहभागिता रहेको थियो।
अधिवेशनले सर्वसम्मत रूपमा श्री टियस राई को नेतृत्वमा नयाँ कार्यसमिति चयन गरेको छ। निर्वाचित कार्यसमिति यस प्रकार रहेको छ :
• अध्यक्ष – टियस राई
• बरिष्ठ उपाध्यक्ष – हरि कुमार खड्का
• उपाध्यक्षहरू – फुर्तेम्बा शेर्पा, दोर्जे शेर्पा, काशी निरौला
• महासचिव – कला राई
• सचिव – सुरज लिम्बु
• कोषाध्यक्ष – अनिला राई
सदस्यहरू :
मुना मगर, आभाष राई, रत्न क्षेत्री, मनराज राई, निशा राई, शान्तिराम राई, रोशन राई।
सन् १९९६ मा स्थापना भएको खोटाङ सेवा समाज दक्षिण कोरिया विगत लामो समयदेखि प्रवासी नेपालीहरूको हकहितमा क्रियाशील रहँदै आएको छ। अधिवेशनबाट निर्वाचित नयाँ नेतृत्वले संगठनलाई अझ सशक्त बनाउँदै समुदायबीच आपसी एकता र सहयोगलाई मजबुत बनाउने अपेक्षा गरिएको छ।
