दक्षिण कोरियाको मोक्पोमा खेलकुद र मनोरञ्जनलाई लक्षित गर्दै दोस्रो MCC कप 2025 आयोजना हुने भएको छ। मोक्पो सान्हो साझा चौतारी र Mokpo Cricket Club (MCC) को संयुक्त आयोजनामा हुने प्रतियोगिता सेप्टेम्बर 14 (आइतबार) बिहान ७:०० बजे देखि सुरु हुनेछ। खेल 전라남도 영암군 삼호읍 소등공원2길 4 (영암 소방서 옆쪽) मा हुने आयोजकले जानकारी दिएको छ।
प्रतियोगितामा Mokpo CC Red, Mokpo CC Blue, JN CC, Deabul United CC, Himalayan Tiger, Samho Nepali CC, Deagu Thunders र Jeonju United गरी ८ टोलीको सहभागिता रहनेछ।
प्रतियोगिताको विजेताले २५ लाख वोन सहित ट्रफि, मेडल र प्रमाणपत्र प्राप्त गर्नेछन् भने उपविजेताले १० लाख वोन सहित ट्रफि, मेडल र प्रमाणपत्र पाउनेछन्। यस्तै, म्यान अफ द सिरिजलाई १ लाख वोन र ट्रफि तथा प्रत्येक खेलको म्यान अफ द म्याचलाई ट्रफि प्रदान गरिनेछ।
सर्वाधिक १० ओभरमा खेलाइने खेलहरू हार्ड टेनिस बल प्रयोग गरेर सम्पन्न हुनेछन्। खेलाडीसँग सम्बन्धित अरू नियमहरू आयोजक समितिको निर्देशनअनुसार लागू हुनेछन्। अम्पायरको निर्णय अन्तिम मानिनेछ।
प्रतियोगितालाई Mokpo FC, विभिन्न सामुदायिक संघसंस्था, पनाह मार्ट, नेपाल भोजनालय , GME Remittance लगायतले सहयोग गरेका छन्। प्रतियोगिताको मिडिया पार्टनर बिशाल आवाज रहनेछ।
आयोजक समितिका अनुसार प्रवासी नेपालीहरूलाई खेलकुद, भेटघाट र मैत्रीपूर्ण वातावरणमा जोड्ने उद्देश्यले MCC कप आयोजना गरिएको हो।
