दक्षिण कोरियाको छल्लानाम्दो प्रान्तमा यस वर्ष विदेशी मौसमी श्रमिकहरूको संख्या उल्लेखनीय रूपमा बढेको छ। प्रान्तीय प्रशासनका तथ्यांकअनुसार २०२५ मा कुल २०,७१८ जना श्रमिक यहाँ परिचालित भएका छन्। गत वर्ष १०,४०३ मात्र रहेकाले यसपटक १०,३१५ जनाको वृद्धि भएको हो।
मौसमी श्रमिक कार्यक्रम ग्रामीण तथा माछापालन क्षेत्रमा श्रमिक अभाव पूरा गर्न बनाइएको आठ महिनाको रोजगार योजना हो। यसअन्तर्गत स्थानीय प्रशासनले विदेशी सरकारहरूसँग सम्झौता गर्ने वा विवाह आप्रवासीका आफन्त तथा विदेशी नागरिकता भएका कोरियालीहरूलाई आमन्त्रण गर्ने प्रावधान राखिएको छ।
यो वर्ष छल्लानाम्दोका २७ सहर/जिल्लामा श्रमिक परिचालन गरिएको छ। तीमध्ये १५,०५ जनाले कृषिक्षेत्रमा पसिना बगाइरहेका छन् भने ५,७१३ जना माछापालनमा सक्रिय छन्।
स्थानीय सरकारका अधिकारीहरूका अनुसार ग्रामीण क्षेत्रमा कामदारको तीव्र कमीका कारण यस वर्ष श्रमिक संख्यामा उल्लेख्य वृद्धि भएको हो। उनीहरूले यसले कृषि उत्पादन तथा माछापालन व्यवसायलाई नयाँ उर्जा दिने विश्वास व्यक्त गरेका छन्।
