नेपाली नारीहरूको महान् पर्व हरितालिका तीजको अवसरमा खिम्जे नेपाली समाज, दक्षिण कोरियाको आयोजनामा विशेष सांस्कृतिक कार्यक्रम हुने भएको छ। कार्यक्रम यहीँ २०२५ अगस्ट २४ (आइतबार) का दिन दिउँसो १ बजेबाट 김제시 가족 센터 (Kimje Family Center), 김제시 하동1 길 121 मा हुने आयोजकले जनाएको छ।
यस कार्यक्रमलाई खिम्जे नेपाली समाज तथा खिम्जे ब्रदरहुडले संयुक्त रूपमा आयोजना गर्न लागेका हुन्। कार्यक्रमलाई अझ भव्य र सांस्कृतिक रुप दिने उद्देश्यले शुभकामना आदान–प्रदान, दर खाने, नाचगान लगायतका प्रस्तुतिहरू हुने बताइएको छ।
समाजका अनुसार कार्यक्रममा सहभागिता महिलाहरूका लागि निःशुल्क रहनेछ भने पुरुषहरूले १५,००० वोन शुल्क तिर्नुपर्नेछ। खिम्जे र आसपासका क्षेत्रमा बसोबास गर्ने सम्पूर्ण दिदीबहिनी तथा दाजुभाइहरूलाई उपस्थित भई तीजको रमझममा सहभागी हुन हार्दिक निमन्त्रणा गरिएको छ।
हरितालिका तीजलाई महिलाहरूको आत्मबल, विश्वास र संस्कृतिसँग गासिएको पर्वका रूपमा लिँदै, यसपटक कोरियामा समेत उल्लासपूर्वक मनाउन लागिएको खिम्जे नेपाली समाजले जनाएको छ।
