दक्षिण कोरियाको इतिहासमा पहिलोपटक एकै समयमा पूर्व राष्ट्रपति र पूर्व प्रथम महिला दुबैजना जेलमा पुगेका छन्।
पूर्व राष्ट्रपति युन सुक-योलकी पत्नी किम क्योन-हीलाई सेयर मूल्य हेरफेर र अन्य भ्रष्टाचार आरोपमा पक्राऊ गरिएको हो। सेउल सेन्ट्रल जिल्ला अदालतले बुधबार किमको पक्राऊ वारन्ट जारी गरेपछि उनी सेउल नाम्बु डिटेन्सन सेन्टरमा हिरासतमा परेकी छन्।
अदालतले किममाथि प्रमाण नष्ट गर्ने सम्भावना, बयानमा असंगति, र पूर्व सहयोगीसँग मिलेर बयान मिलाउने जोखिम रहेको ठहर गर्दै वारन्ट जारी गरेको हो।
किममाथि लगाइएका मुख्य आरोपहरूमा—
• सेयर मूल् हेरफेर
• २०२२ को उपनिर्वाचनका लागि उम्मेदवार छनोट प्रक्रियामा हस्तक्षेप
• विभिन्न कम्पनी र युनिफिकेशन चर्चबाट व्यवसायिक सुविधा दिने सर्तमा घुस लिने
यसअघि नै पूर्व राष्ट्रपति युन सुक-योल बिद्रोह, सम्बन्धी मुद्दामा प्रि-ट्रायल हिरासतमा रहेका छन्।
गत मंगलबार अदालतमा उपस्थित हुँदा किमको व्यवहार अघिल्लो हप्ताको भन्दा भिन्न देखियो। अघिल्लो पटक “म कुनै महत्वपूर्ण व्यक्ति होइन” भनेकी उनले यसपटक पत्रकारहरूको प्रश्नमा कुनै प्रतिक्रिया दिइनन् र बिहान ९:२६ बजे शान्तपूर्वक अदालत परिसरमा प्रवेश गरिन्।
यो घटनाले कोरियाली राजनीतिक इतिहासमा दुर्लभ मात्र नभई अभूतपूर्व अवस्था सिर्जना गरेको छ।
