बोम्जन गुरुङ:कोरियामा कार्यरत सुर्खेतीहरुको साझा संस्था सुर्खेत समाजको दशौं अधिवेशन यही आउँदो अगष्ट ३ तारिक आइतबार हुने भएको छ । अधिवेशन फेन्तेक स्थित (평택시 평택동 60-14 (평택1로9번길 27) 3층 (सुर्खेती आवास गृह))को हलमा बिहान १० बजे देखि सुरु हुनेछ ।
सुर्खेत समाजको “सबैलाई माया र सम्मान, प्रवासी भूमिमा सुर्खेती हुनुको पहिचान” भन्ने नाराको साथ सन् २०१३ मा स्थापित सुर्खेतका विभिन्न अग्निपिडित, बाढीपिडित, विभिन्न जटिल रोगले ग्रस्त बिरामीहरुलाई सहयोग गर्दै कोरियास्थित विभिन्न संघ-संस्थाहरुसँग सहकार्य र हातेमालो गर्दै आइरहेको र यसपटक आवास गृह (सेल्टर) अवधारणा सहित सामाजिक सेवामा संस्था अझ कटिबद्ध रहेको समाजका अध्यक्ष पुष्कर बुढाथोकीले प्रष्टयाए ।
सुर्खेत समाज दक्षिण कोरियाको दशौं अधिवेशनलाई सभ्य र भव्य रुपमा सफल बनाउन विभिन्न पेशा, व्यवसायमा आबद्ध सम्पूर्ण सुर्खेतेली दाजुभाई तथा दिदीबहिनीहरुलाई सहभागिताको लागि समाजले हार्दिक निमन्त्रणा गरेको छ ।
