मेष (चु, चे, चो, ला, लि, लु, ले, लो, अ)
बौद्धिक क्षेत्र फराकिलो बन्दै जाला । नयाँ कार्यको प्रारम्भका लागि भने केही प्रतीक्षारत रहनु श्रेयस्कर होला । आफन्तको साथ सहयोग राम्रो प्राप्त होला ।
वृष (इ, उ, ए, ओ, वा, वि, वु, वे, वो)
अप्ठ्यारोमा साथ दिने आफन्तको कमी महसुस होला । परिश्रमले यथोचित प्रतिफल नदेला । परिस्थिति प्रतिकूल बन्दै जाला ।
मिथुन (का, कि, कु, घ, ङ, छ, के, को, हा)
उद्योग व्यवसायमा अपेक्षित फाइदा होला । धर्मकर्ममा रुचि बढ्ला । सामाजिक कार्यमा सफलता प्राप्त होला ।
कर्कट (हि, हु, हे, हो, डा, डि, डु, डे, डो)
बोलीवचनको प्रभाव उच्च रुपमा पर्ला । अरुका विषयमा अनावश्यक चासो राख्दा भने आफै समस्यामा फसिने सम्भावना रहला । शुभ कार्यको चर्चा चल्ला ।
सिंह (मा, मि, मु, मे, मो, टा, टि, टु, टे)
कुनै रचनात्मक तथा सिर्जनात्मक कार्यको प्रारम्भ होला । लामो समयदेखि विछोडिएका आफन्तजनसँग पुनर्मिलनको योग बन्न सक्छ । नयाँ ज्ञान, सिप सिक्ने अवसर जुट्ला ।
कन्या (पा, पि, पु, ष, ण, ठ, पे, पो)
आर्थिक लाभ नहुने कामको समेत जिम्मेवारी लिनुपर्ला । व्यवसायमा लगानी बढाउनुपर्ने स्थिति सिर्जना होला । लगनशीलतामा कमी आउला ।
तुला (रा, रि, रु, रे, रो, ता, ति, तु, ते)
आम्दानी बढेसँगै मनमा उत्साह बढ्ला । ठीक समयमा उचित निर्णय लिन सकिएला । आकस्मिक रुपमा अर्थ, जमिन लाभ हुनसक्छ ।
वृश्चिक (तो, ना, नि, नु, ने, नो, या, यि, यु)
नयाँ कामका लागि प्रस्ताव आउला । पहिलेको सफलताले हौसला थपिएला । वैदेशिक कार्य वा नियमितभन्दा फरक कार्यबाट फाइदा होला ।
धनु (ये, यो, भा, भि, भु, ध, फा, ढ, भे)
पूर्व सम्झौता तोडिने परिस्थिति बन्नसक्ला । आश्वासन दिनेहरुले नै झुक्याउने प्रबल सम्भावना रहला । सामाजिक दायित्व भने बढ्ला ।
मकर (भो, ज, जि, खि, खु, खे, खो, ग, गि)
एकपटक गरिसकेको कार्य पुनः दोहोर्याएर गर्नुपर्ने हुन सक्छ । वादविवादबाट टाढै रहनु श्रेयस्कर होला । परिश्रमका अनुपातमा प्रतिफल कम प्राप्त होला ।
कुम्भ (गु, गे, गो, सा, सि, सु, से, सो, दा)
घुमफिर तथा मनोरञ्जनात्मक कार्यमा समय व्यतीत होला । अतिथिका रुपमा स्वागत सत्कार प्राप्त होला । राज्य पक्षबाट साथ सहयोग राम्रो पाइएला ।
मीन (दि, दु, थ, झ, ञ, दे, दो, च, चि)
दीर्घकालीन फाइदा हुने कार्यको प्रारम्भ होला । शत्रुपक्षको हार होला । विशिष्ट व्यक्तिको घरमा आगमन होला ।
तपाईंको दिन शुभ रहोस्।
