गत आइतबार जुन २२ तारिख नेपाली राजदूतावास सियोलको पहलमा मोक्पो यङ्आम गुन् साम्होमा घुम्ती सेवा सम्पन्न भएको छ।घुम्ती सेवाको मोक्पो स्थित मोक्पो साम्हो साझा चौतारी , किराँत याक्थुङ्ग चुम्लुङ्ग छाल्लादो शाखा , नेपाल मगर संघ छाल्लादो शाखाले संयुक्त सहआयोजना गरेको थियो l
राहदानी घुम्ती सेवामा १३० भन्दा धेरै सेवाग्राहीले सेवा लिएका थिए l साथै सोहि अवसरमा श्रम काउन्सलर मैया कंडेल , प्रोफेसर डा. श्रीजना थापाले श्रमिक सचेतना तथा मानसिक सचेतना सम्बन्धि परामर्श पनि दिनु भएको थियो l
कोरियाका लागि नेपाली राजदूत डा.शिवमाया तुम्बाहाङफेले नजिकै यङ्गआमगुन साम्होमा अवस्थित छुक्सङआम गुम्बामा स्थानीय नेपाली श्रमिकहरु द्वारा निर्मित आकर्षक ४ वटा मनि खोर्ले (माने) अनावरण गर्नुभएको थियो l कार्यक्रममा बोल्दै डा.शिवमाया तुम्बाहाङफेले यो माने स्थापनाले दुई देश बिचको धार्मिक सम्बन्ध अझै प्रगाढ हुने जानकारी दिनुभएको थियो । झन्डै १ महिनामा तयार पारिएको माने लाइ स्थानीय कोरियन लामा गुरु र अन्य सहभागीले खुलेर प्रसंसा गरेका थिए l
दोश्रो चरणको राजदूत संग प्रत्यक्ष अन्तरक्रिया कार्यक्रममा थुप्रै सहभागीले प्रमुख अतिथि महामहिम राजदूत डा.शिवमाया तुम्बाहाङफे समक्ष आफ्ना गुनासो र सुझाब सुनाएका थिए l नेपाल एअरलाइन्सको सिधा उडान , रेमिट्यान्स , मोक्पोलाई बार्षिक क्यालेन्डरमा राख्न लगायत थुप्रै सवालको जवाफ दिदै राजदूत तुम्बाहाङफेले आफु कोरिया आउनु अघि नै नेपाल एअरलाइन्सको सिधा उडान बारे चासो राखेको र अहिले पनि निरन्तर पहल र छलफल गरिरहेको बताउनु भएको थियो l साथै बैधानिक रेमिट्यान्स मार्फत दुख गरि कमाएको आफ्नो पैसा पठाउन सुझाब दिनु भएको थियो l अन्त्यमा मोक्पोलाई बार्षिक क्यालेन्डरमा राख्ने निर्णय पनि उदघोष गर्नु भएको थियो ।
सोमबार बिहान मोक्पोमा अवस्थित कोरियाकै चौथो ठुलो पानीजहाज कम्पनि हुन्डाई साम्होको निमन्त्रणामा अफिसियल भ्रमण गर्नु भएको थियो l झन्डै १००० नेपाली कार्यरत उक्त कम्पनिमा नेपाली राजदूतको पहिलो भ्रमण रहेको थियो l भ्रमणमा कम्पनिको विदेश बिभाग प्रमुख र उक्त कम्पनिमा विभिन्न जिम्मेवारी सम्हालेका नेपाली कामदार बीच भेटघाट गराईएको थियो l कम्पनिको विदेश बिभाग प्रमुखले नेपाली कामदार हरु इमान्दार र मेहनती रहेको जानकारी दिनु भएको थियो l प्रतिउत्तरमा राजदूत तुम्बाहाङफेले आफ्ना नागरिकलाइ अझै धेरै अवसर दिन अनुरोध गर्नु भएको थियो
