विशाल आवाज: नेपाली राजदूतावास दक्षिण कोरियाको आयोजना र नेपाली सम्पर्क समितिको सहआयोजनामा यही जुन २९ तारिखका दिन आइतबारका दिन ह्वासङ छेबुदोमा सुखद घर फिर्ती श्रमिक अभिमुखीकरण तथा सचेतना कन्सुलर सेवा प्रवाह सम्बन्धी अन्तरक्रिया कार्यक्रम साथमा राहदानी नवीकरण सेवा हुने भएको छ।
नेपाली राजदूतावासले कोरियामा रहनुभएका नेपाली सम्पूर्ण नागरिकहरूलाई सहज र सरल रुपमा सेवा प्रवाह गर्ने उद्देश्यले विभिन्न समयमा विभिन्न ठाउँहरूमा राहदानी र कन्सुलर घुम्ती शिविर तथा श्रमिक सचेतना कार्यक्रम गर्दै आइरहेको छ। सोही कार्यक्रमलाई निरन्तरता दिँदै यही आउँदो जुन २९ तारिख का दिन नेपाली राजदूतावासको आयोजना तथा नेपाली सम्पर्क समितिको सहकार्यमा छेबुदोको 경기도 화성시서신면 전곡산단 11길 107 मा घुम्ती शिविर तथा श्रमिक सचेतना कार्यक्रम आयोजना गरिने भएको हो।
घुम्ती शिविर कार्यक्रममा जानको लागि बस न: सुवन ट्रेन २,३ न गेट बाट 1004,खुम्जङ्ग ४न: गेट बाट आउने 330 सादाङग यक 10 न: गेटबाट 1002 यी सबै बस बाट 장외리 मा ओर्लिने -हिडेर 10 मिनेट मा सागाङ सिजाङ,र ससिन बाट ट्याक्सी चढेर – छङ्गोक सानदान उन्दोङ्जाङ मा आउने आयोजकले जनाएको छ। राहदानी नबिकरणको लागि हरि खनाल -010-21750250 दिपक थापा मगर 010-43158702,सुर्य बि.क -01048690257 लाइ सम्पर्क गरि नाम टिपाउन सकिने छ ।
आवाश्यक कागजात -:
(१) सक्कल राहदानी र एकप्रति फोटोकपी
(२) नागरिकताको फोटोकपी
(३) एलिन कार्ड
(४) दस्तुर-२१०,०००वन
पासपोर्टको म्याद एक वर्षभन्दा कम हुनुपर्नेछ।
राहदानी र कन्सुलर सेवाका लागि प्रचलित कानुनले तोकेको शुल्क बाहेक अन्य कुनै पनि थप शुल्क नलाग्ने समेत जानकारी गराएको छ। साथै सोदिन राहदानी नवीकरणबाहेक अन्य कुनै पनि सेवा उपलब्ध नहुने जानकारी गराउँदै सेवाग्राहीले पुरानो राहदानी र नागरिकताको प्रतिलिपि अनिवार्य रूपमा ल्याउनु हुन समेत अनुरोध गरिएको छ।
