विशाल आवाज: सलनालको अवसरमा युवा पुस्तामाझ लोकप्रिय ब्यान्ड 1974 AD कोरियामा ल्याई कास्की परिवार दक्षिण कोरियाले आयोजना गरेको “माछापुछ्रे सांगीतिक सौगात भाग ४” को आइतबारका दिन सउलमा एक कार्यक्रम गरी आयव्य सार्वजनिक गरिएको छ। सार्वजनिक गरेको आम्दानी तथा खर्च विवरणमा कार्यक्रमबाट ५२ लाख वन घाटा भएको र २६ जना सहित केही संस्था हरूबाट टिकटको पैसा नै उठ्न बाँकी रहेको जनाइएको छ।
कोरियनहरूको नयाँ वर्ष सलनालको अवसरमा जनवरी २८ तारिखका दिन सउलमा आयोजना भएको “माछापुछ्रे सांगीतिक सौगात भाग ४” को दक्षिण कोरियामा सक्रिय विभिन्न सङ्घसंस्थाको प्रतिनिधिहरू लगायत विभिन्न सामाजिक व्यक्तित्वहरूको उपस्थितिमा दोङ्देमुन स्थित निक नेपाल ट्राभलको सभाहलमा एक कार्यक्रम आयव्यय सार्वजनिक गरिएको हो।
आर्थिक संयोजक आरती ह्योल्मोले सार्वजनिक गरेको कुल आम्दानी तथा खर्च विवरण मा विभिन्न शीर्षकमा कुल आम्दानी १० करोड २८ लाख ६ हजार ४७३ वन भएको अनि विभिन्न शीर्षकमा कुल खर्च १० करोड ८० लाख ५४ हजार ७२० वन रहेको गरी कार्यक्रममा ५२ लाख ४८ हजार २५० वन घाटा लागेको देखाइएको छ। आर्थिक सहयोग कबुल गरि फोटो फ्रेम बनाएका तर आर्थिक हिसाबकिताब सार्वजनिक कार्यक्रमसम्ममा सहयोग रकम नतिरेका २६ जना बाट व्यक्तिगत सहयोग रकम १९ लाख ५६ हजार २२२ वन , खोटाङ सेवा समाज बाट १७ वटा टिकट, गुल्मी सम्पर्क समितिबाट सातवटा टिकट गरि २६ वटा टिकटको ११ लाख ७० हजार वन उठ्न बाँकी रहेको समेत विवरणमा सार्वजनिक गरिएको छ।
